Azərbaycanda qadın faciəvi şəkildə öldü

Gəncədə piyadanın ölümü ilə nəticələnən yol qəzası baş verib.

MAY.AZ APA-ya istinadən bildirir ki, hadisə şəhərin Heydər Əliyev prospektində qeydə alınıb.

Şəmistan Mirzəyev idarə etdiyi "VAZ 21015" markalı minik avtomobili ilə hərəkətdə olan zaman yolu keçmək istəyən orta yaşlı qadını vurub. Qadın sürücü tərəfindən xəstəxanaya çatdırılsa da, dünyasını dəyişib.

Hazırda piyadanın şəxsiyyəti müəyyənləşdirilir. Hadisə yerinə DYP əməkdaşları cəlb olunub.

Faktla bağlı araşdırma aparılır.