Daxili işlər naziri, general-polkovnik Ramil Usubov Daşkəsən rayonuna yeni polis rəisi təyin edib.

"Qafqazinfo”nun məlumatına görə, bu posta Daxili İşlər Nazirliyinin Baş Cinayət Axtarışı İdarəsində çalışan polis mayoru Fəxrəddin Abbasov gətirilib. DİN-in mətbuat xidməti faktı təsdiqləyib.

Xatırladaq ki, Ramil Usubov təxminən bir ay əvvəl Daşkəsən Rayon Polis Şöbəsinin əvvəlki rəisi Elsevər Aslanovu Ağstafa Rayon Polis Şöbəsinə rəis göndərib.