Portuqaliyalı futbolçu Kriştianu Ronaldunun biznesi sürətlə böyüməkdə davam edir və o, hazırda Madriddəki hotelində işləmək üçün əməkdaşlar toplayır.

Oxu.Az xəbər verir ki, bu barədə "Marca" yazır.

Nəşr həmçinin vakansiyaların və onlara verilən maaşların ətraflı siyahısını paylaşıb.

Beləliklə də , "Pestana CR7" hotelinə menecer, xadimə, nəzarətçi, qapıçı, resepsionist və kiçik ofisiant lazımdır. Namizədlərdən yüksək səviyyədə ingilis dili (B2 və ya C1), bəzi hallarda orta və ya ali peşə təhsili tələb olunur.

Menecer vəzifəsi üçün maaş ayda 2300 (4366 manat), ofisiant vəzifəsi üçün 1300 avrodur (2468 manat).

İşçilərə pulsuz yemək, tibbi sığorta, obyektin xidmətləri üzrə güzəştlər və ildə 50 gün tətil verilir.