"Sportinq" klubunun gənclər komandasında çıxış etmiş və daha sonra narkotik istifadə etdiyi üçün həbs olunan Fabio Paim Kriştianu Ronaldunun "Qızıl Top" mükafatlarından birini ona verməli olduğunu deyib.

Oxu.Az xəbər verir ki, Fabio Paim bu barədə "Marca" nəşrinə açıqlamasında danışarkən deyib.

"Mən həqiqətən xüsusi idim. Təvazökar olmalıyam, amma bu həqiqətdir. Təəssüf ki, mənim vaxtımda nə "Instagram", nə də "Facebook" var idi. İndiki kimi heç nə çəkilmirdi. Həqiqətən inanıram ki, Kriştianu bütün səyi və əməyi ilə layiq olduğu səviyyəyə çatdı. Amma, reallıq budur ki, mən Kriştianu Ronaldudan daha yaxşı idim. Məncə, Ronaldu əldə etdiyi "Qızıl top"lardan birini mənə verməlidir", - deyə F.Paim bildirib.

Qeyd edək ki, Fabio Paim həbsdən çıxdıqdan sonra pornoulduz olmaq qərarına gəlib.