Türkiyənin Mersinin şəhərində qorxunc hadisə baş verib.


BiG.AZ türk mediasına istinadən xəbər verir ki, 6 yaşlı birinci sinif şagirdi Yağmur Girgin evin bağçasında dostları ilə oynayarkən təmirdə olan evin açıq qalan elektrik naqillərinə toxunub. Elektrik cərəyanı vuran azyaşlı birdən qışqırmağa başlayıb.


Yerə yıxılan balaca qız çağırılan sağlamlıq qruplarının ilk müdaxiləsindən sonra Mersin Universiteti Tibb Fakültəsinə aparılıb. Burada edilən bütün müdaxilələrə baxmayaraq uşaq həyatını itirib.


Hadisə ilə bağlı jandarma kabeli açıq qoyan qonşunun və elektrik quraşdırma işlərini aparan elektrik şirkətinin ifadələrini alıb. Girgin ailəsinin 3 övladının böyüyü Yağmur göz yaşları içində torpağa tapşırılıb. İşin istintaqı davam etdirilir.