“SOY” prodakşının rəhbəri Oqtay Əliyev yol qəzasında dünyasını dəyişib.
May.az xəbər verir ki bu barədə sosial şəbəkədə məlumat yayılıb. Yol-nəqliyyat hadisəsi Abşeron rayonu ərazisində, Saray yolunda qeydə alınıb. Məlumata əsasən, Oqtay Əliyevin idarə etdiyi “Lexus” markalı avtomobil yolun hərəkət hissəsindən çıxaraq aşıb. Nəticədə o, həyatını itirib.
Onun xanımı Əməkdar artist Dilarə Əliyeva və Xalq artisti Mehriban Zəki isə yaralanıblar.