Gürcüstanda 4,2 bal gücündə zəlzələ olub.
BAKU.WS "Sputnik-Georgia"ya istinadən xəbər verir ki, bu barədə Gürcüstan Seysmik Monitorinq Milli Mərkəzi məlumat yayıb.
Bildirilib ki, zəlzələ Tbilisidən 62 km aralıda - Dmanisi şəhərində baş verib.
Yeraltı təkanlar Tbilisinin bəzi rayonlarında hiss olunub.
Tələfat və dağıntılar barədə məlumat yoxdur.
Qeyd olunur ki, Gürcüstanda sonuncu dəfə fevralın 21-də Ozurqeti şəhərində 3 bal gücündə zəlzələ qeydə alınıb.