Azərbaycan Respublikasının Milli Məclisin Mədəniyyət komitəsinin sədri Rafael Hüseynov azərbaycanlı milyonçu, mesenat Hacı Zeynalabdin Tağıyevlə bağlı tədbirlər görülməsi haqqında 3 instansiyaya müraciət ünvanlayıb.

BAKU.WS-in məlumatınma görə, komitə sədri H.Z.Tağıyevin irsinin araşdırıcısı Fərhad Cabbarovun müraciətini Bakının icra başçısına, mədəniyyət və turizm nazirinə, Neftçalanın icra başçısına sorğu ilə göndərib.

Müraciətlərdə Hacı Zeynalabdin Tağıyevin xatirəsini əbədiləşdirmək üçün abidə qoyulması öz əksini tapıb. Bununla yanaşı, Bakıda messanatın tikdirdiyi və tarixi əhəmiyyəti olan bir sıra binaların hazırki vəziyyəti, Neftçalada Tağıyevin tikdirdiyi balıq emalı müəssisəsinin indiki vəziyyəti ilə bağlı narahatçılıq qeyd edilib.