Rusiyanın Tver vilayətinin Rameşkovski rayon məhkəməsi Azərbaycan vətəndaşının qətldə ittiham edilməsinə dair cinayət işinə baxacaq.

BiG.AZ xəbər verir ki, vilayət prokurorluğunun məlumatına görə, 2016-cı ilin avqustunda azərbaycanlı Nijni Novqoroddan onlara qonaq gələn öz həmvətənlisini öldürüb. Onlar arasında mübahisə düşüb və müttəhim qurbana bir neçə bıçaq zərbəsi vurub.

Hüquq-mühafizə orqanlarından gizlənməyi düşünmədən meyiti avtomobilə qoyaraq Tverin mərkəzi polis idarəsinə gəlib və törətdiyi əməli etiraf edib.

Qatil və qurbanın adları bildirilmir.

mənbə: oxu.az