Hacıqabulda 25 yaşlı oğlan dəm qazından zəhərlənib.

MAY.AZ qafqazinfo-ya istinadən xəbər verir ki, hadisə şəhərin Ə.Vahid küçəsində baş verib.

Belə ki, Ə.Vahid küçəsi ev 50-də yaşayan Ağacan Azər oğlu Allahyarov yaşadığı evin vanna otağında dəm qazından zəhərlənib. O, huşsuz vəziyyətdə ailə üzvləri tərəfindən aşkar olunaraq Hacıqabul Rayon Mərkəzi Xəstəxanasına çatdırılıb.

Vəziyyəti ağır olan A.Allahyarov xəstəxananın reanimasiya şöbəsinə yerləşdirilib.

Faktla bağlı araşdırma aparılır.