Darçının özünəməxsus cəzbedici ətri ilə hazırlanan darçınlı peçenye, çay süfrələrinin və qəlyanaltı anlarının əvəzolunmaz ləzzətinə çevriləcək. Hazırlanması olduqca asan və tezbazar olan bu resept, həm uşaqların, həm də böyüklərin sevimlisi olacaq. 

Ərzaqlar:

125 qram kərə yağı (otaq temperaturunda)

1 çay stəkanı şəkər tozu

1 çay stəkanı duru yağ

1 ədəd yumurta

1 paket vanil

1 paket qabartma tozu

1 yemək qaşığı darçın

2,5 - 3 stəkan un

Üzəri üçün:

Darçın və şəkər tozu qarışığı

Hazırlanma qaydası

Kərə yağı, duru yağ və şəkər tozunu bir qabda krem halına gələnədək çalın.

Yumurtanı əlavə edib qarışdırmağa davam edin.

Vanil, qabartma tozu, darçın və unu tədricən əlavə edərək yumşaq bir xəmir yoğurun.

Xəmirdən qoz böyüklüyündə hissələr götürün, yumrulayın və darçın-şəkər qarışığına batırın.

Peçenyeləri yağlı kağız sərilmiş soba sinisinə düzün.

Əvvəlcədən 180°C temperaturda qızdırılmış sobada 12-15 dəqiqə bişirin.

Lalə Qüdrətova