Dünyada getdikcə daha çox turist təbiətlə birbaşa təmasda olmağa imkan verən istiqamətləri seçir. Xüsusilə quş müşahidəsi (birdwatching) son illərdə böyük populyarlıq qazanıb. Əvvəllər bu, dar ixtisaslı səyyahlar üçün sahə sayılırdısa, indi istənilən səyyah üçün maraqlı və rahat fəaliyyət növünə çevrilib.

Qaynarinfo xəbər verir ki, bu barədə "National Geographic" yazır.

Aşağıda dünyanın müxtəlif guşələrində vəhşi təbiəti, xüsusilə də quşları müşahidə etmək üçün ən yaxşı yerlər göstərilib.

1.Skomer adası, Uels

Apreldən iyulayadək Skomer adasında minlərlə dəniz tutuquşusu (puffin) yuva qurur. Bu quşlar Böyük Britaniyanın Kral Quşların Qorunması Cəmiyyətinə məxsus qoruqların əsas cazibəsidir. "Skomer Island Hostel" adasında sadə şəraitdə bir gecəlik qalmaq qiyməti bir nəfər üçün 74 dollar təşkil edir.

2.Yorkşir Dales, İngiltərə

Brouqton qoruğunda Böyük Britaniyada yaşayan bütün beş növ bayquş müşahidə olunur. Burada təbiətin bərpası layihəsi çərçivəsində bəbirlər və bobrlardan ibarət ekosistem yaradılıb ki, bu da daha çox quş növünü cəlb edir. Qoruqda bələdçi ilə pulsuz ekskursiyalar təşkil olunur, həmçinin "Odisseya" adlı ekoloji marşrut turistlərə müstəqil gəzintilər imkanı verir. Üç günlük kotecdə iki nəfərlik qalma qiyməti 695 dollardan başlayır.

3.Brayton, İngiltərə

Braytonun məşhur ulduzquşuları (şpaklar) qış mövsümünün ən cazibədar mənzərələrindən biridir. Noyabrdan fevraladək minlərlə quş dəniz sahilində toplanaraq səmada heyranedici fiqurlar yaradır. Dəniz mənzərəli "No 124 by GuestHouse" qonaq evində iki nəfərlik otaqlar 267 dollardan başlayır.

4.Yala Milli Parkı, Şri-Lanka

Şri-Lankanın cənub sahillərində leopardlar, fillər, timsahlar, ayılar və 215 növ quş yaşayır. Ən yaxşı müşahidə məkanlarından biri parkın yaxınlığındakı "Wild Coast Tented Lodge" otelidir. Burada cəngəllik mənzərəli rahat çadırlar, ayrıca vannalar və safari turları təqdim olunur. Gecələmənin qiyməti 957 dollardan başlayır və "hər şey daxil" sisteminə safari də daxildir.

5.Hokkaydo, Yaponiya

Burada iki nadir növ — yapon durna quşları və ağçiyinli nəhəng qartallar müşahidə olunur. Turistlər "Erousi Onsen" kurortunda qala bilər, burada axşamlar nadir yapon bayquşu da görünür. Gecələmə qiyməti iki nəfər üçün 128 dollardan başlayır, yarımpansion şəraitdə.

6.Şeppi adası, İngiltərə

Elmlli qoruğu çibis və kronsnep kimi quşların çoxaldığı yer kimi tanınır. Turistlər burada həm çadırlarda, həm də koteclərdə qala bilirlər. İki günlük çadır qalma qiyməti 454 dollardan başlayır (qida daxil deyil).

7.Folegandros, Yunanıstan

Kiklad adalarına aid bu az tanınan adada yerləşən "Gundari" kurortu Bounelli qartalları və nadir Eleonora şahinlərinin qorunduğu qoruq ərazisindədir. Burada quşların müşahidəsi və elmi monitorinq proqramlarında turistlər də iştirak edə bilər. Adada həmçinin dəniz gəzintiləri, qaya yürüşləri və sahil kafeləri də populyardır.

Məqalədə qeyd olunur ki, bu məkanların əksəriyyətində rahat yaşayış imkanları mövcuddur, bu da təbiəti sevənlər üçün müşahidə səfərlərini daha əlçatan edir.