Son zamanlar 5-15 yaşlı uşaqlar arasında virus yayılıb. Bu virusun simptomları qızılca və digər xəstəliklərin oxşarıdır. Bəs övladlarımızı necə qorumalı və virusu necə müəyyənləşdirməliyik.

Mövzu ilə bağlı BiG.AZ-a danışaq İnfeksion Xəstəlikləri və Klinik Mikrobiologiya Uzmanı həkim Vasif Əliyev bildirib ki, qış fəsli infeksiyaların yayılma mövsümüdür. Bu infeksiyalar qrip, paraqrip, COVİD, viruslarıdır. Bu xəstəliklərin ümumi əlaməti, burun axması, halsızlıq, boğaz ağrısı, ishalla müşahidə oluna bilər:

"Hazırda uşaqlar və böyüklər arasında infeksiyon virus yayılıb. Xüsüsilə də, bağçaya və məktəbə gedən uşaqlar arasında genişlənib.
Virusun növünü müəyyənləşməsi üçün mütləq həkimə getmək lazımdır. Həkim tərəfindən test götürüldükdən sonra müalicəyə başlanılmalıdır.
Çox vaxt insanlar virusun növündən aslı olmayaraq həkimə gec müraciət edirlər. Həkimə müraciət etmədən xəstəlikdən qorunmağın ən yaxşı yolu bol maye istifadə etməkdir. Hərarət salıcı dərmanlar qəbul etmək, ən əsası isə istirahət rejiminə keçməkdir. İlkin müalicə üçün bunlar yetərlidir. İlkin müalicə zamanı antibiotik istifadə etmək qadağandır.
Təbii ki, xəstəlik ağırlaşdığı zaman mütləq həkimə müraciət edilməlidir, ikinci ağırlaşmanın qarşısını almaq üçün həkimin qərarı ilə antibiotiklərdən istifadə mümkündür. Xəstənin ətraflı müayinəsindən sonra antibiotik dərmanlarının qəbuluna qərar verilə bilər".