ABŞ-də "McDonald's" fastfud şəbəkəsində baş verən zəhərlənmədən sonra şirkətə qarşı 50 min dollarlıq məhkəmə iddiası qaldırılıb.

Oxu.Az bu barədə "Reuters"ə istinadən xəbər verib.

İddia ərizəsində deyilir ki, Erik Stelli adlı müştəri "McDonald's"ın Qrili şəhərində (Kolorado ştatı) yerləşən filialında yemək yeyib və bir neçə gün sonra həkimlər onun infeksiyaya yoluxduğunu təsdiqləyiblər.

İndi Erik Stelli "McDonald's"ı səhlənkarlıqda günahlandıraraq şirkətdən 50 min dollarlıq təzminat tələb edir.