İndoneziyanın Sulavesi adasında güclü yağış nəticəsində qızıl mədənində baş verən sürüşmədə həyatını itirənlərin sayı 17-yə çatıb.

BiG.AZ xəbər verir ki, Axtarış və Xilasetmə İdarəsinin rəsmilərindən Heriyanto sürüşmə ilə bağlı açıqlama verib.

Hava şəraitinin yaxşılaşması ilə əlaqədar axtarış-xilasetmə qruplarının işlərini sürətləndirə bildiyini ifadə edən Heriyanto, təxminən 52 nəfərin sürüşmədən xilas ola bildiyini bildirib.

Heriyanto, 18-i yaralı olmaqla, təxminən 23 nəfərin sağ-salamat çıxarıldığını və hələ də itkin düşən 45 nəfər üçün işlərin davam etdiyini bildirib.

Gorontalo Axtarış və Xilasetmə Agentliyinin sözçüsü Afifuddin İlahude, axtarış və xilasetmə işlərinə polis və hərbçilər də daxil olmaqla 200-dən çox adamın təyin edildiyini açıqlayıb.