Selfi çəkmək üçün ən yaxşı smartfon seçilib. 

Lent.az xəbər verir ki, bu “Honor” şirkətinin təqdim etdiyi “Magic 6 Pro” mobil cihazıdır. 

Məlumata görə,telefon həmçinin, ekran və batareyanın ömrü baxımından ən yaxşı qadcet kimi tanınıb.

Sınaq zamanı belə nəticəyə gəlinib ki, selfi, avtonomiya və displey baxımından o, digər modellərə heç bir şans qoymur.

Selfi kamerasını sınaqdan keçirərkən “Magic 6 Pro” 151 xal toplayaraq ən yaxın rəqibi “iPhone 15 Pro” və “15 Pro Max”ı iki xal qabaqlayıb. İlk beşliyi isə flaqman “iPhone 14 Pro” tamamlayır.

Ekspertlərin fikrincə, “Honor” smartfonu  gün ərzində yüksək səviyyədə sabitləşmə ilə çəkiliş zamanı əla nəticələr verir və hədəfin dəqiq ekspozisiyasını və geniş dinamik diapazonu təmin edir. Böyük bir sahə dərinliyi, aşağı səs-küy səviyyəsi və dəqiq ağ balansı da var. Bununla belə, smartfonun bəzi mənfi cəhətləri də var. Bunlardan biri kiçik artefaktlar və arxa işıqlı səhnələrdə bir qədər yüksək kontrastın olmasıdır.

“Honor Magic 6 Pro” həm də batareyanın ömrünə görə ən yaxşı smartfon kimi tanınır. Belə ki, telefon tam enerji ilə 3 gündən çox işləyir. İkinci yerdə başqa bir “Honor - Magic5 Lite” gəlir. Lakin “iPhone 15 Pro Max” hətta ilk 30-luğa belə düşə bilməyib.