Bəzi insanlar bəyənmədiyini şəxslərə bunu açıq şəkildə etiraf edə bilməz. Hətta bu, dostunuz və ya yoldaşınız hesab etdiyiniz birinin əslində gizli şəkildə sizə nifrət etdiyi, sevmədiyi qəribə vəziyyətlərə gətirib çıxarır.

Lent.az xarici KİV-ə istinadən psixoloqların ətrafınızdakı pis adamı müəyyən etməyə kömək edəcək 5 məsləhətini təqdim edir.

Hər zaman ünsiyyətin təşəbbüskarısınız

Həmişə birlikdə vaxt keçirməyi təklif edən ilk sizsinizsə və heç vaxt ondan belə təkliflər almırsınızsa, diqqətli olun. Belə insanlar həmişə bir şeylə məşğul olduğunu, çox vaxt şübhəli bəhanələr gətirərək təkliflərinizdən imtina etməsi ilə qarşılaşırsınız. Onun sizə özü zəng edə bilməsinin yeganə səbəbi sizdən bir növ köməyə ehtiyacı olmasıdır.

O, sənə qarşı çox nəzakətlidir

Araşdırmalar göstərir ki, kimsə nəzakətdən çox istifadə edirsə, bu, qeyri-səmimi davranış ola bilər. Xüsusən də söhbətləriniz heç vaxt səthi mövzulardan kənara çıxmırsa. Həqiqət budur ki, sizdən xoşu gəlməyən bir insan sizə qarşı olan mənfi münasibətini yalançı nəzakətlə kompensasiya etməyə çalışır ki, onun sizə olan həqiqi münasibətini təxmin etməyəsiniz.

Mənfi ifadələr işlədir

Daha çox incə örtüklü təhqirlərə bənzəyən komplimentlər gizli bir pis adamın tipik davranışıdır. Amma əvvəlki bənddəki səthi nəzakətdən fərqli olaraq, bu qeyri-səmimi yaltaqlıq əsl hissləri gizlətmək cəhdi deyil. Bu halda söhbət daha çox mikroaqressiyalardan və nifrətdən gedir.

Qüsurlarınız haqqında zarafatlar

Sizi sevməyən yaxınlarınız tez-tez nöqsanlarınızı və zəif nöqtələrinizi açıq şəkildə ifadə etdikləri guya "mehriban zarafatlardan" istifadə edirlər. Və bu, heç vaxt dostcasına məsləhət kimi görünmür. Əksinə, daha çox lağ etmək və ağrılı yerə qəsdən zərbə vurmaq kimi hiss olunur.

Göydən çıxan mübahisələr

İstənilən münasibətdə müzakirələr və əks fikir mübadiləsi normaldır. Ancaq siz və "dostunuz" hər hansı bir məsələdə ortaq fikrə gələ və heç nə ilə razılaşa bilmirsinizsə, o zaman sual yaranır: dostluğunuz nəyə əsaslanır və ümumiyyətlə, sizə nə üçün belə ünsiyyət lazımdır?