Xəbər verdiyimiz kimi, Xalq artisti Könül Xasıyevada yenidən xərçəng aşkarlanıb.
Axşam.az xəbər verir ki, müğənninin müalicəsi üçün 150 min dollar, yəni 254 min manat lazımdır. Xanəndə instaqram səhifəsində pylaşım edərək, sənət adamlarına səslənib.
O, bir çox ifaçını işarələyərək "Tək arzum Kazımın (oğlu - red.) toyunu görməkdir, bütün valideynlər kimi" sözlərini yazıb.
"Zaman hər an əleyhimə işləyir. İnanıram ki, Azərbaycan səhnəsini Könülsüz qoymayacaqsınız. Ən əsası 40 yaşımda Allahın mənə ən böyük mükafatı olan Kazımı anasız qoymayacaqsınız" deyə, xanəndə əlavə edib.
Qeyd edək ki, Xasıyeva açıqlamasında "Tək bir səbəbim vardı. Narahat və yeganə övladım Kazımın toyunu görmək! Amma boğazımda yaranan bəd xassəli şiş bütün ümidlərimi qırdı. Elə bilirəm dünya uçub altında qalmışam. Amma bir ümid var ki, hələ metastaz (yayılmayıb) verməyib. Vaxtında əməliyyat olunsam, yaşama şansım var. Almaniyada olacaq əməliyyat üçün 150.000 dollar (254 min manat) vəsait lazımdır" sözlərini deyib.