Nar yeyəndən sonra qabığını atırsınız? Artıq atmayacaqsınız.

Bütün həkimlərin əcdadı sayılan Hippokrat bu meyvənin qabığı ilə açıq yaraları sağaldırdı.

Nar qabığı yüksək büzücü xüsusiyyətlərə malikdir. O, babasil zamanı yaxşı kömək edir. Qurudulmuş nar qabığının tozunu dəmləyib, süzün kiçik vannaya tökün və bu vannada 15 dəqiqə oturun. Bu babasil zamanı çox faydalıdır.

Nar qabıqlarının dəmləməsi ayaqların tərləməsi və pis ayaq qoxusu zamanı da kömək edir. Qabıqları dəmləyin və bu dəmləmə ilə ayaq vannaları edin.

Nar qabığının məhlulu həmçinin tökülmüş saçları bərpa edir, kəpəyin qarşısını alır. Onunla üzünüzü yusanız, dəriniz də mərmər kimi təmiz olacaq, cavanlaşacaq.

Nar qabığı C vitamini ilə zəngin olduğundan damarlar üşün çox faydalıdır - damarları möhkəm və elastik edir.

Nar qabığının tozunu yaşıl çay, keşniş toxumu, zəncəfil və nanə ilə birgə dəmləyin. Hazırladığınız şəfalı içki bütün qadın xəstəliklərinin düşmənidir. Böyrək və mədə xəstəliklərinin də qarşısını alır.

Bəs nar qabığının tozunu necə hazırlayaq?

Bunun üçün qabığın içərisindəki ağ hissəni kəsib atın, çünki olduqca acıdır. Sonra qabığı isti yerdə qurudun, üyüdün, tünd rəngli şüşə qaba tökün, qaranlıq və quru məkanda saxlayın. (Publika.az)