Yanğın olan əraziyə 4 Təcili Tibbi Yardım briqadası göndərildi

Səhiyyə Nazirliyi Bakı şəhərinin Binəqədi rayonunda "EuroHome" tikinti materialları bazarı ərazisində baş verən yanğınla bağlı məlumat yayıb.

Nazirlikdən MAY.AZ-a verilən məlumata görə, Ekologiya postu kimi tanınan ərazidə tikinti materialları bazarına çağırış saat 08:18-də daxil olub.

Hadisə yerinə 4 Təcili Tibbi Yardım briqadası yollanıb. Saat 09:15 üçün Təcili Tibbi yardım briqadalarına bir sahibkar müraciət edib. Ona yerində yardım göstərilib.