Rusiya Federasiya Şurasına sədr seçildi

Rusiyada senatorlar Valentina Matviyenkonu yenidən Federasiya Şurasının sədri seçiblər.

Bu barədə Oxu.Az İnterfaks.ru-ya istinadən xəbər verir.

Məlumata görə, qərar Federasiya Şurasının payız sessiyasının ilk iclasında səsvermə yolu ilə qəbul edilib.

Qeyd edək ki, Matviyenko 2011-ci ildən Sankt-Peterburqdan senator və Federasiya Şurasının sədri vəzifələrini icra edir. 2024-cü ilin sentyabrında onun üçüncü səlahiyyət müddəti başa çatırdı.