Yaşlanma əleyhinə mütəxəssis David Sinclair gənc qalmağın bir neçə sirrini açıqlayıb.

Lent.az xarici mətbuata istinadən xəbər verir ki, mütəxəssisin fikrincə, həyatı dəyişdirmək və qocalma ilə mübarizə aparmaq üçün sağlam vərdişlərə yiyələnmək lazımdır.

Alim bioloji yaşını on il azaltmağa kömək edən üsullarını bölüşüb.

Fiziki fəaliyyət

Daimi məşq hər hansı bir yaşlanma əleyhinə planın əsasını təşkil edir. O, təkcə əzələ tonusunu qoruyur və ürəyin sağlamlığını yaxşılaşdırır, həm də bədənin qocalmasını sürətləndirən iltihabi prosesləri azaldır.

Gündəlik matça yaşıl çayı içmək

Gündəlik iki stəkan matça yaşıl çayı içmək sizi daha cavan saxlaya bilər. Bu içkinin qocalmaya təsiri ilə bağlı elmi sübutlar hələ tam təsdiqini tapmasa da, məlumdur ki, matça antioksidantlarla zəngindir və hüceyrələri zədələnmədən qoruyur.

Stressin idarə edilməsi

Stress səviyyəsinin azaldılması vaxtından əvvəl qocalma ilə mübarizədə digər əsas amildir. Xroniki stress bədəndə iltihaba səbəb olur, bu da müxtəlif xəstəliklərin inkişaf riskini artırır.