Dəri orqanizmin örtük təbəqəsini təşkil etməklə müxtəlif funksiyaları yerinə yetirir. Solğun və problemli dəri isə bir çox problemdən xəbər verir.

BiG.AZ xəbər verir ki, Dəri rənginin dəyişməsi dəridəki səpgilər, hansı vitamin və mineral çatışmazlığı ilə əlaqəlidir.

Dəri solğunluğu, quruluğu: Əgər dərinizdə solğunluq, quruluq, tük tökülməsi əlamətləri varsa heç bir təlaşa düşməzdən əvvəl gündə 2-3 litr çiy su içməyə başlayın. Bunu 2-3 həftə etdikdən sonra dəri əlamətlərinə baxın, əgər keçməsə qandan analiz verərək qanda qalxanabənzər vəz hormonlarını yoxlatdırın. Qalxanabənzər vəzin zəif işləməsi, qanda yodun çatışmazlığı varsa saydığım dəri əlamətləri tez yorulma, əsəbilik və ürəkdöyünmələrdə olmalıdır.

Əgər göz altında şişkinlik və rəng dəyişməsi varsa: Gündə 3 dəfə 1 çay qaşığı ud hindi tozunu 1 stəkan qaynar suya qarışdırıb ilıq olanda 1 çay qaşığı bal qarışdırıb için, bunu 2 ay edin. Xatırladım ki, gözaltı şişkinlik və rəngin dəyişməsi böyrək, qaraciyər və ürək xəstəlikləri zaman ola bilir. Ud hindi saydığım bütün orqanlara müsbət təsir edir.

Əgər dərinizdə çibanlar çox çıxarsa: Hicama etdirin, hicama dəri sağlamlığı üçün mükəmməl bir çarədir. Hicama nəinki dəri çibanlarına, eyni zamanda dəridəki sızanaqlar, səpgilər varsa faydalı bir müalicə vasitəsidir.

Üzdəki sızanaqlar və göbələk xəstəliyi: Əgər üzünüzdə, kürəyinizdə sizi narahat edən sızanaqlar tez-tez çıxırsa dərinizdə əl və ayaq barmaqlarınızda göbələk varsa, ayaq baldırlarında, paça arasında qaşınmalardan əziyyət çəkirsinizsə alma sirkəsindən istifadə edin. Alma sirkəsinin təbii olması vacib şərtdir. Alma sirkəsini pambıqla gündə iki, üç dəfə dərinizə vura bilərsiniz.

Dəridəki nöqtəvari xalların çoxalması: Əgər dərinizdə nöqtəvari xallar çoxalırsa, deməli dərinizin immun qabiliyyəti azalıb. İmmunitetin yüksəldilməsi bu xalların azalmasına səbəb olacaqdır. Xatırladım ki, bu xallar HPV viruslarıdır, təhlükəli deyillər, amma insanı göründüyündən yaşlı göstərə bilirlər. Gündə 2 dəfə dərinizə qarazirə yağı çəkin, gündə 3 dəfə yeməkdən 1 saat əvvəl 1 çay qaşığı qarazirə yağı için, bu həm bədən müqavimətini, həm də dəri müqavimətini artırdığından dəriniz təmizlənəcəkdir.

Dəridəki kiçik qabarcıqlar və qabıqlanmalar: Bu daha çox A vitamini və sink mineralının çatışmazlığı nəticəsində baş verir. Gündə 3 dəfə yeməkdən əvvəl 1 stəkan kök və balqabaq şirələrinin qarışığını için, bunu 2 ay edin, qoz, fındıq, xurma, badam, günəbaxan, araxis, zəyərək tumu, balqabaq toxumu, kərə yağı, yumurta bol-bol yeyin, əlamətlər aradan qalxacaqdır.

Dodaq çatlaması: Əgər dodaq çatlaması varsa, çiy su içmənizi çoxaldın, gündə 2-3 litr çiy su için. Şəkərinizi yoxlatdırın, şəkər xəstəliyi zamanda ağız quruluğu olduğundan dodaqlarda çatlama ola bilir. Əgər dodaqda çatlama və rəng dəyişməsi varsa onda B qrup vitaminlərin çatışmazlığı ola bilir, bol-bol göyərti yeyin, yaşıl buğda suyunu için, balqabaq şirəsi için, badam balqabaq tumu, araxisdə zəngin sink olduğundan dodaq çatlamasına faydalıdır.

Dəridəki tüklənmələr: Bu daha çox qadınlarda baş verir sifətdə və bədəndə kişi tüklənməsinə bənzər tüklənmələr baş verir, belə xanımlarda adət düzənsizliyi və diskomfort hallar meydana gəlir. Belə xanımlar ərküdə, aslan pəncəsi və boymadərən bitkilərini bir-birinə qarışdırıb, qarışıqdan 2 orta xörək qaşığı götürüb 3 stəkan suda dəmləyib gündə 3 dəfə yeməkdən əvvəl 1 stəkan içsinlər. Müalicəni 2 ay edib bir ay isə 1 ovuc soğan qabığını 3 stəkan suda dəmləyib gündə 3 dəfə yeməkdən əvvəl 1 stəkan soğan qabığının suyunu içsinlər.

Dəri qalınlaşması: Əgər qarşınıza belə bir adam çıxıbsa, əsasən qadın xeylaqlarında belə bir dəri qalınlaşması varsa, belə xanımların bədən formaları dəyişir kişi bədəninə bənzəyir, boyun ardında bir şişkinlik əmələ gəlir, belə insanlar hormonal dərmanlar qəbul edir. Bunu onlara çatdırın, hormonal dərmanlar bütün bədən formasını dəyişir, insanı eybəcərlişdirir. Xatırladım ki, hormonal dərmanları ziyansız dərman bitkilərinə dəyişmək olur. Bu bitkilər: Ərküdə, Biyan kökü, Aslan pəncəsi, Ud hindi, Qarazirə, Boymadərən, Adaçayı, Güldəfnə və s.