ABŞ ən yeni səsdən sürətli silahını sınaqdan keçirdi

ABŞ hərbi qüvvələri Florida ştatında səsdən sürətli silahın sınaqlarını keçiriblər.

Oxu.Az-ın TASS-a istinadla verdiyi məlumata görə, bu barədə Pentaqonun rəsmi nümayəndəsi məlumat verib.

Mənbənin sözlərinə görə, ABŞ Ordusu (quru qoşunları - red.) və Hərbi Dəniz Qüvvələrinin birgə keçirdikləri sınaqlar Kanaveral burnunda ABŞ Kosmik Qüvvələrinin bazasında baş tutub.

"Bu sınaqlar istismara hazır səsdən sürətli texnologiyanın inkişafında mühüm mərhələdir", - deyə bildirən müdafiə nazirliyinin nümayəndəsi bunun sayəsində avadanlıq və proqram təminatının işi haqqında mühüm məlumatlar əldə edildiyini vurğulayıb.

O bu ilin əvvəlində oxşar sınaqların keçirildiyini təsdiqləyib.

Pentaqon əməkdaşı sınaqların uğurlu olub-olmadığını izah etməyib, həmçinin sistemlər barədə başqa təfərrüat verməyib.