"Həftədə 4 qədəh şərab içmək diabetin yaranma riskini azaldır" - Şərabın bilmədiyiniz faydaları
Şərab digər alkoqollu içkilər kimi zərərli sayılır. Bəs şərabın bilmədiyimiz faydaları varmı?
A+CO Açıq Səhmdar Cəmiyyətinin (Xırdalan şərab) şərab istehsalı üzrə texnoloqu İlkin Süleymanov BiG.AZ-a bildirib ki, şərabın göz sağlamlığı,ağız boşluğu sağlamlığı, diabetdən müdafiə vasitəsi, kosmetik, hətta stres əleyhinə vasitə kimi faydaları mövcuddur. Həftədə 4 qədəh şərab içmək diabetin yaranma riskini kişilərdə 27 faiz, qadınlarda isə 32 faiz aşağı salır:
"Şərab Azərbaycanda uzun illlərdir ki, istifadə olunan içkidir, qədim tarixə malikdir. Onun bir sıra faydaları mövcuddur. Müasir texnologiyanın inkişafı göstərir ki, şərab və üzümün tərkibində 400-dən artıq üzvü və qeyri-üzvü birləşmə mövcuddur. Bunlardan ən çox öyrəniləni üzvü turşular, karbohidratlar, polifenol maddələri və qeyri-üzvü maddələrdir. Bu maddələrin insan sağlamlığına təsirləri mövcuddur. İlk öncə faydalarından danışmaq istərdim. Son zamanlar araşdırmalar göstərir ki, şərabın göz sağlamlığı,ağız boşluğu sağlamlığı, diabetdən müdafiə vasitəsi, kosmetik, hətta stres əleyhinə vasitə kimi faydaları mövcuddur. Şərabın kosmetik vasitə kimi istifadəsi mümkündür. Quru və qırmızı şərablar bu xassələrə malikdir. Kolfeo Universitetinin alimləri şərabda olan yüksək miqdarda antioksidant maddələrin bakteriyaların artmasına maneə törətdiyini sübut ediblər. Antioksidantlar dərini cavanlaşdırır,elastikliyini artırır. İnsan müəyyən qədər şərab qəbul etdikdə qan dövranı sürətlənir və həmin nayihələrə qan axışı sürətlənir. Bu da dərinin cavan qalmasına gətirib çıxarır. Şərab diabet xəstəliyindən müdafiə vasitəsi kimi də araşdırma aparılır. Belə ki, Cənubi Danimarka Universitetindən olan bəzi tədqiqatçılar bunu təsdiqləyiblər. Onlar 5 il tədqiqat aparıblar və 60-70min nəfərin vəziyyəti təhlil olunub. Məlum olub ki, həftədə 4 qədəh şərab içmək diabetin yaranma riskini kişilərdə 27 faiz, qadınlarda isə 32 faiz aşağı salır. Tərkibində böyük miqdarda spirt olan alkoqol isə əksinə, bu xəstəliyə yoluxma riskini artırır. Yəni burdan da belə qənaətə gəlmiş oluruq ki, spirtli içkilər arasında şərab gündəlik dozanı keçməmək şərtilə insan sağlamlığı üçün faydalı təsir göstərir. Ağız boşluğunu dezinfeksiya edən vasitə kimi də şərabın antiseptik faydası mövcuddur. İspaniyada olan tədqiqatçılar müəyyən edib ki, şərabın tərkibindəki polifenollar ağızdakı zərərli maddələri minimuma endirir. London Kollec Universitetinin oftolmologiya institutunun elmi tədqiqatçıları bu faktı bizimlə bölüşürlər ki, şərab göz sağlamlığına faydalıdır. 150 -300 ml şərab kataraktın ortaya çıxma riskini 23 faiz azaldır. Şərabın tərkibində bir sıra üzvü maddələr var. Bunlardan biri polifenollar sinfinə aid olan resveratroldur. Resveratrol güclü antioksidant özəlliyə sahib birləşmədir. Bu birləşmə tanıdığımız E vitaminindən 50 dəfə, C vitaminindən 30 dəfə çox antioksidant xassələrə malikdir. Bu maddənin gündəlik norma daxilində istifadəsi ürək-damar sistemi, qan dövranı, mədə bağırsaq xəstəliklərinin müalicəsində böyük əhəmiyyətə malikdir. Hazırda bu sahədə geniş araşdırmalar aparılır. Özüm də resveratrolun insan sağamlığında rolu, zərərli və faydalı tərəflərini araşdırıram".
O qeyd edib ki, şərabın gündəlik istifadə norması 150 -300 ml -dir. Dozanı keçəndə çərab zərərli ola bilər:
"İndi isə şərabın zərərlərindən danışmaq istərdim. Ekspertlər qeyd edirlər ki, mütəmadi olaraq şərab içməyin ciddi zərərli təsirləri ola bilər. Şərabdan istifadə ürəyimizin çox tez və nizamsız döyünməsinə gətirib çıxarır.2021-ci ilin yanvar ayında Avropa Ürək jurnalında bir məqalə dərc edilmişdir. Bu məqalədə göstərilir ki, sutkalıq normanın üstündə qəbul olunan hər hansı alkoqollu içki ürək kameralarının fibilyasiya riskini 16 faiz artırır. Qaraciyər serrozunu artırma riskini nəzərə almaq lazımdır. Sutkalıq normanı keçən insanlarda bu risk 10 -15 faiz artmışdır. Qida borusu problemi, yuxu pozulması kimi problemlərə şərabın və digər alkoqollu içkilərin təsiri var. Sonda qeyd etmək istərdim ki, dahi şairimiz Nizami Gəncəvinin dediyi kimi, bir inci safllğı varsa da suda, artıq içiləndə dərd verir o da. Yəni hər şeyin artığı ziyandır. Tövsiyə edərdim ki, istənilən spiritli məhsulu, eyni zamanda şərabı gündəlik normadan artıq istifadə etməsinlər. Bu da 150 -300 ml civarındadır. Bu miqdarda istifadə olunduqda ziyandan çox faydası var".
