Sabunçu rayon məhkəməsində "Sea Breeze" işi üzrə hökm elanı olunub. Hakim Mirheydər Zeynalovun çıxardığı hökmə əsasən Elmir İsmayılov, Peyman Vəlizadə, Məhəmməd Həsənzadə və məktəbli Murad Əhmədli məhkəmə zalından azadlığa buraxılıblar.
Elmir İsmayılov azadlığa çıxmasında əməyi olan hər kəsə təşəkkürünü bildirib: "Bir hüquqşünas kimi deyə bilərəm ki, nəhayət ki, haqq-ədalət yerini tapdı. Bizi dəstəkləyən, ədalətin bərpa olunması üçün köməklik göstərən ədalətli insanlara minnətdarlığımı bildirirəm. 9 ay bizimlə birlikdə olan bütün dostlara təşəkkürümü çatdırıram. Çox sağ olsunlar, Allah hər birindən razı olsun".