Hamı ondan danışır: Bayrağı düşmənə verməyən oğlan, Vitali Balasanyanın əsir götürdüyü Natiq Qasımov - FOTO/VİDEO

I Qarabağ müharibəsi zamanı ermənilərə qarşı 5 gün təkbaşına döyüşən, 1992-ci ildə əsir götürülən Natiq Qasımovun dindirilməsi zamanı çəkilən fotolar yayılıb.
İtaliyalı hərbi fotoqrafın çəkdiyi fotolarda azərbaycanlı döyüşçünün dindirilməsinin Xocalı qatili Vitali Balasanyan tərəfindən aparıldığı görünür. Vitali Balasanyanın həbs olunması təqdirdə,bu barədə basqa məlumat əldə oluna bilər mi? Eləcə də Natiq Qasımova Milli qəhrəman adı verilə bilər mi?
Məsələ ilə bağlı politoloq Tural İsmayılov BiG.AZ-a açıqlama verib.
"Gəncliyində azərbaycanlılarla bir böyüyüb və bizim tərəfdən hər zaman dost münasibəti görən, Vitali Balasanyan I Qarabağ müharibəsində tərrorçuluq ilə ad çıxarmış adamdır. Erməni faşizminin, irqçiliyinin ən bariz nümayəndələrindən biridir. Azərbaycanlı əsirlərə işgəncələr verən, Balasanyanın qəddarlığını həmin dövrün canlı şahidləri tərəfindən faktlarla sübut edilmişdir.
I Qarabağ müharibəsi dövrünün canlı şahidləri, əsirlikdən qayıtmış şəxslərin anlatlıqlarıda göstərir ki, Vitali Balasanyanın törətdiyi cinayətlər, təkcə Azərbaycan qanunvericiliyi ilə deyil, beynəlxaq hüquq normalarını əndazəsini aşmaqdır. O, qlobal hüquqi sistem qarşısında cavab verməlidir.
Vitali Balasanyan həbs olunarsa, onun azərbaycanlı əsirlərə verdiyi işkəncələri, qeyri-qanuni zülmləri aydınlanacaq.
Eyni zamanda Balasanyanın həbsi Natiq Qasımovla bağlı həqiqətlər üzə çıxacaq. Natiq Qasımov I Qarabağ müharibəsində öz qəhrəmanlığı ilə ad çıxarmış igid oğullarımızdan biridir. O təkcə qəhrəmanlıq göstərməyib, insanların xilas etmək üçün, öz canını fəda edib. Hesab edirəm ki, ictimaiyyətin Natiq Qasımovun milli qəhrəman adlandırılması ilə bağlı təkliflərin səsləndiriləsi normaldır. Bununlada bağlı ən
Xatırladaq ki, Natiq Qasımov 1971-ci il yanvarın 2-də Gədəbəy rayonunun Kiçik Qaramurad kəndində anadan olan Natiq Qasımovun ailəsi 1975-ci ildən Mingəçevirə köçüb. Rusiyanın Krasnoyarsk vilayətində Daxili Qoşun hissələrində xidməti başa vurduqdan sonra 1991-ci ildə vətənə qayıdıb, elə həmin il də könüllü olaraq cəbhəyə yollanıb.
23 nəfər Xocalı sakinini xilas etmək üçün düşmənə təslim olan Natiq Qasımov haqqında"Oğul" sənədli filmi çəkilib. Ssenari müəllifi Karan Sinqh üç il ərzində Ermənistan, Azərbaycan, İtaliya, Böyük Britaniya və Rusiyada şahidlərlə söhbət edib.
Qeyd edək ki, filmdə Vitali Balasanyanın iştirakı ilə dindirilməsindən sonra "doğranıldığı" – yəni işgəncə ilə öldürüldüyü haqda şahid ifadəsi var.
Xocalı qatili Vitali Balasanyan