Tovuz rayonunun Dondar Quşçu kəndində 10 yaşlı Nərmin Quliyevanı qətlə yetirməkdə ittiham olunan İlkin Süleymanovun ilk dəfə etiraf görüntüləri yayımlanıb.
Sonxeber.az xəbər verir ki, 2020-ci il 20 yanvar tarixinə aid görüntüdə İlkin Süleymanov istintaq prosesinə uyğun olaraq törətdiyi cinayətin izahatını verir.
O, övlad sahibi olmadığına görə Nərmin kimi qızının olmasını istədiyini və onu əsir aldığını deyir.
İlkin Süleymanovun qardaşı Adil Süleymanov onun işgəncəyə məruz qaldığı üçün belə izahat verdiyini bildirib. Sosial şəbəkə istifadəçiləri isə İlkində heç bir işgəncə izi olmadığını, çox rahat hərəkət etdiyini qeyd ediblər.
Qeyd edək ki, İlkin Süleymanov 18 il azadlıqdan məhrum edilib.