2003-cü ilin dekabrında 8 ay müddətində gizləndiyi tuneldən əsgərlər tərəfindən təhqiramiz şəkildə çıxarılan Səddam Hüseynin görkəmi, yəqin ki, hamının xatirindədir: uzun saqqal, kir içində olan sifət və saçlar, ən əsası dəhşətdən nə etdiyini bilməyən, gah ora, gah da bura baxan qorxu dolu gözlər...

Amma həmin an dili heç bir söz tutmayan, əsgərlərin təhqiredici gülüşləri və sözləri qarşısında donub qalan Səddamla bağlı bir məsələ düşünülürdü: görəsən, onu və ona qədər olan mühafizə səddini kim ifşa edib, əsgərlərə bu informasiyanı kim verib. Sonradan dünya mətbuatı onun necə yaxalanması haqqında bir neçə versiya yazdı.

Moderator.az bu versiyalardan daha mötəbər olanını təqdim edir:

Səddam uzun müddət anadan olduğu Tikrit bölgəsində Əl-Hadra adlanan xurma bağçasının düz ortasında yer altındakı tuneldə gizlənmişdi. Onu yaxalayan zaman yanında 750 min dollar pul, bir avtomat var idi. Səddamı yaxalayan ABŞ generalı Odeirnonun sözlərinə görə, Tikrit vilayətində diktatorun yaxın adamları arasında 10 gün sorğu-sual aparılıb. Sonda onlardan yalnız bir nəfəri ipucu verib. 600 ABŞ əsgəri ilə aparılan yaxalama əməliyyatı, nəhayət ki, öz məntiqi sonluğunu tapdb. Generalın sözlərinə görə, Səddamın əlində silah olsa da, heç bir reaksiya verməmişdi.

Səddamı ifşa edən isə Salih adlı bir tanışı olub. Qəribə fiziki görkəmə malik olan bu bəstəboyun sonradan çəkilən fotoları dünya mətbuatının gündəmindən uzun müddət çəkilmədi. Amma Samir adlı daha bir iraqlının Səddamın dar kanalizasiya borusundan çıxarması və saqqalından tutaraq onun üzərinə qışqırması da böyük izləmə rekordları qırdı. Samir Səddamın zamınında İraqı tərk edib ABŞ-a sığınan bir mühacir idi. ABŞ ordusunda tərcüməçi kimi çalışan Samir Səddamı yerin altından çıxararaq ona "İraqı niyə bu günə saldın" sualını hiddətlə verir. Səddam da həmin məqamda susmur, "sən kimsən ki, mənimlə belə danışasan? İraq xalqı məni sevir" cavabını verir.

Xatırladaq ki, Səddam Hüseyn həm həbsdə qaldığı müddətdə, həm də məhkəmədə onun kanalizasiya lükündən çıxarılması barədə yayılan foto və videolara etiraz edərək, həqiqətin təhrif olunduğunu bildirirdi. Səddam Hüseyn bildirirdi ki, o, tamam başqa şəraitdə ələ keçirilib, amma ABŞ əsgərləri onu nüfuzdan salmaq üçün xüsusi iynə vurublar və onu kanalizasiyaya salıblar. Huşu özünə gələndə isə salındığı dar yerdən çıxarılarkən əvvəlcədən qurulmuş ssenari üzrə jurnalistlər artıq orada olub.

Səddamın sözügedən videolarda çaşqınlığının səbəbi kimi də bəzi müşahidəçilər sözügedən iynənin təsirini, həmçinin diktatorun harada olduğunu aydınlaşdıra bilməməsindən doğan təəccübünü göstərirlər.

Sentyabrın 25-də Bakı və Abşeron yarımadasında bəzi yerlərdə qısamüddətli yağış yağacağı, günün ikinci yarısında havanın dəyişkən buludlu olacağı gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentindən May.Az-a verilən məlumata görə, arabir güclənən şimal-qərb küləyi gündüz şimal-şərq küləyi ilə əvəz olunacaq. Havanın temperaturunun gecə 15-18° isti, gündüz 20-23° isti, Bakıda gecə 16-18° isti, gündüz 20-22° isti olacağı gözlənilir. Atmosfer təzyiqi 760 mm civə sütunundan 764 mm civə sütununa yüksələcək. Nisbi rütubət 85-95% təşkil edəcək.

Azərbaycanın rayonlarında bəzi yerlərdə şimşək çaxacağı, arabir yağış yağacağı, gecə intensiv olacağı, gündüz əksər rayonlarda əsasən yağmursuz keçəcəyi gözlənilir. Səhər ayrı-ayrı yerlərdə duman olacaq. Gecə və səhər arabir güclənən qərb küləyi əsəcək. Havanın temperaturunun gecə 12-17° isti, gündüz 20-25° isti, dağlarda gecə 3-8° isti, gündüz 10-15° isti olacağı gözlənilir.

Şahin Həbibov

Türkiyədə 66 yaşlı kişi sosial şəbəkədə tapdığı 13 yaşlı qıza erotik mesajlar göndərib, ona əxlaqsızlıq təklif edib.

Milli.Az "Milliyet"ə istinadən xəbər verir ki, hadisə Sakaryada baş verib.

66 yaşlı "ağsaqqal"dan erotik mesajlar alan qız qohumlarına xəbər verib. Bunu öyrənən qohum qızın adından kişi ilə görüş təyin edib. Görüşə qızı da aparıb. Kişi qızı görüb ondan maşına minməsini istəyib. Bu anda uşağın qohumu kişini döyüb və kameraya çəkib.

Bu gün paytaxt restoranlarından birində azərbaycanlı teleaparıcı Azər İsmayılovun toyu olacaq.

May.Az vesti.az-a istinadən xəbər verir ki, məslisdə bir çox tanınmışlar, sənət adamları iştirak edəcək.

Qeyd edək ki, A.İsmayılov aparıcı Vüsalə Əlizadə ilə ailəli olub. Cütlük 2013-cü ildə boşanıb. Onların bu evlilikdən Dilək adlı qız övladı var.

İnstaqramda hər ölkənin varlı ailələrinin uşaqları özlərinə profil açaraq yaşadıqları dəbdəbəli həyatı paylaşırlar.

May.az-ın xarici KİV-ə istinadən məlumatına görə, bu dəfə Sinqapurun varlı övladlarının lüks yaşayışını nümayiş etdirən fotolar gündəmə gəlib.

"Azərbaycandakı özəl tibb klinikalarında xaricdən gəlib icazəsiz fəaliyyət göstərən həkimlər və həmin obyektlərlə bağlı ciddi addımlar atılmalıdır".

Bunu modern.az-a açıqlamasında Milli Məclisin Səhiyyə komitəsinin sədr müavini Musa Quliyev deyib.

Deputat bildirib ki, Azərbaycanda qeydiyyatsız, serfitikatı və diplomu təsdiq olunmamış həkimlərə və onların işlədikləri klinikalara qarşı tezliklə cinayət işi açılmaldır:

"Ölkədə bu cür qanunsuz və özbaşına işləyən özəl tibb müəssisələrinin lisenziyaları birmənalı şəkildə ləğv edilməlidir.

Həmin klinikalara və həkimlərə qarşı birbaşa olaraq Baş Prokurorluqda cinayət işi açılmaldır. Çünki elə həkimlər bu ölkə və millət üçün çox ciddi təhlükə mənbəyidir".

Musa Quliyev söyləyib ki, özəl tibb müəssisələrində qanunsuz işləyən həkimlərin əsas məqsədi bu milləti qırmaqdır:
"Azərbaycanda qeydiyyatdan keçməyən, diplomu və sertifikatı tanınmayan istər yerli və istərsə də xarici həkimlərə görə bu milləti qırmaq olmaz. Onların qeyri-qanuni yollarla, turist kimi Azərbaycana gəlib özəl tibb klinikalarında tibbi xidmət göstərmələri xalqımıza qarşı ən qatı cinayətdir".

Musa Quliyev vurğulayıb ki, çox zaman xaricdən gəlib Azərbaycanda qeydiyyatsız və sertifikatsız işləyən həkimlər xəstənin vəziyyəti ağırlaşdıqdan sonra ölkədən qaçırlar:

"Azmı olub ki, Azərbaycanda cərrahiyyə əməliyyatını keçirib, öz ölkəsinə qayıtdıqdan sonra xəstənin vəziyyəti ağırlaşıb. Sonradan isə o həkimi tapmaq belə, mümkün olmayıb və aradan çıxa bilib.
Bu gün bütün tibb dünyasında belə bir deyim var: "Yaxşı həkim öz vətənindən kənarda işləməz".

Bir neçə gün öncə səhiyyə nazirinin müavini Elsevər Ağayev bildirib ki, bəzi hallarda xaricdən gələn həkimlər sertifikatlarını təsdiq etməkdən yayınır və qeyri-qanuni fəaliyyət göstərirlər.
Biz onları dəvət edirik ki, belə hallardan yayınmasınlar. Səhiyyə Nazirliyinin komissiyasından keçdikdən sonra həkimlərin fəaliyyətinə icazə verilir".

Kəmaləddin Heydərovun bibisi rəhmətə gedib

Musavat.com xəbər verir ki, fövqəladə hallar naziri Kəmaləddin Heydərovun bibisi Gözəl Heydərova bu gün dünyasını dəyişib.

Mərhumənin dəfni bu gün Bakıda olacaq.

Allah rəhmət etsin.

Bir müddət əvvəl qətlə yetirilən kriminal avtoritet Rövşən Lənkəranskinin bu gün Lənkəran şəhərində 40 mərasimi keçirilir.

Qafqazinfo xəbər verir ki, Kiçik Bazar qəbiristanlığında dəfn olunan Rövşən Lənkəranskinin məzarı üzərinə rayon camaatı və qonaqlar gələrək ziyarət edirlər.

R.Lənkəranskinin məzarı üzərində hələ ki, abidə qurulmayıb.

Yas mərasimi onun ata evində keçirilir.

Millət vəkilləri Cavanşir Paşazadə və Fəzail Ağamalı Rövşən Lənkəranskinin 40 mərasiminə qatılıb.

Bakının mərkəzində yaşayış kompleksinin mühafizəçisi ölümcül döyülüb.

Hadisə şahidlərinin Criminal.az saytına verdiyi məlumata görə, bu saat 16.30 radələrində Abşeron mehmanxanasının yaxınlığında yerləşən yaşayış kompleksinin mühafizəçisi bir qızın şikayəti ilə ölümcül hala salınıb.

Məlumata görə, cavan xanım sürücü idarə etdiyi ''-- -- 003'' dövlət nömrə nişanlı son model ''Range Rover'' markalı avtomobili park etmək istəyib. Yer olmadığından yaşayış kompleksinin həyətində saxlamaq istəyib. Lakin binanın mühafizəçisi ona icəzə verməyib.

Həmin xanım kimsə zəng edərək mühafizəçidən şikayətlənib. Az sonra qara ''AA'' dövlət nömrə seriyalı ''Mercedes'' markalı avtomobillə iki nəfər həmin yerə gəlib. Onlar mühafizəçisi huşunu itirənədək döyüb, sonra isə maşına əyləşərək ərazini tərk ediblər.

Yerdə qan içərisində olan mühafizəçini təcili yardım maşını xəstəxanaya aparıb.

“Bəli, Hacı Rafiq mənim ərimdir, tezliklə oğlumuz olacaq”.

Bu sözləri müğənni Şəbnəm Əsədova (Tovuzlu) şəxsi həyatı barəsində yayılan son, ilginc məlumatlarla bağlı müsavat.com-a açıqlama verərkən bildirib. Müğənni barəsində yayılan məlumatları hiddətlə qarşılayıb:

“Mənim şəxsi həyatım nə yaman bəzilərinin gözünü çıxardıb?! Ay bala, ailə qura, uşaq doğa bilmərik? Bu günün gündəmi Şəbnəm olub? Başqa mövzu yoxdur yazmağa? Başa düşə bilmirəm, nə istəyirlər məndən? Efirə də çıxa bilmirəm bunların əlindən, efirlərdən imtina edirəm artıq son vaxtlar. Evdə mənim ata-anam var, özüm də ailəliyəm. Ərimi reklam etməliyəm hamıya?

Bəli, hamiləyəm, uşaq doğmaq qadının peşəsidir də. Təbii ki, ərim də ailəm də, əslim-köküm də var, göbələk deyilik ki, yerdən çıxmış olaq.

Famil mənim ilk həyat yoldaşım olub, mehribançılıqla ayrılmışıq. Bu, çoxdan olub, 4-5 il bundan əvvəl. Mən artıq ikinci dəfə həyat qurmuşam, o da öz əmimoğludur. Yəni, Hacı Rafiq mənim yoldaşım, öz əmimoğludur, əsli-kökü də tovuzludur. Kim deyir ki, o, beyləqanlıdır?”

Müğənni həyat yoldaşının ailəli, 3 övladı olduğu barədə şayiələrə də aydınlıq gətirib:
“Bəli, ailəli olub, ayrılıb, övladı da yoxdur. Onunla 4 ildir ki, ailəliyik. Nikahımızı toy kimi, banket şəkilində, 60-70 nəfərlik etmişik, gəlinlik də geyinmişəm. Lakin mediaya bu barədə məlumat verilməyib. Amma mən indi məcburam ki, o nikah şəkillərindən yayım, yoldaşımın üzü görünməsə də. Qoy bir-ikisi sakit olsun...

Deyirlər ki, 45 yaşı var. Adamın 40 yaşı yoxdur heç, yeni doğulacaq körpəsini gözləyir”.

Şəbnəm Tovuzlu mətbuatdakı yazılarda ərinin başqası ilə səhv salındığını da qeyd etdi:
“Yazılarda qeyd olunan başqa Hacı Rafiqdir. Mənim yoldaşımın obyektləri “Memar Əcəmi”də deyil, “Tarqovı”da, “İçərişəhər”də və Moskvada var. O, Surqutda yaşayan adam olub. Bizim müğənnilərin çoxunun birinci ailəsi dağılıb, sonra da ailə qurub, burda nə var ki. Bizim də uşağımız olacaq, əsilli-köklü adamıq.

Həyat yoldaşım iki ildir Həcc ziyarətinə gedib-gəlib, din adamıdır. Başqa bir Hacı Rafiq də var.
Ola bilsin ki, o adam bir qədər məşhurdur deyə, onunla səhv salınıb. Bəli, o adamın övladları var, özü də beyləqanlıdır. Mənim yoldaşım o deyil. Hacılar min dənə var, elə Hacı Rafiq də var...

Bu cür şayiələrin yayılmasında evimə gəlib-gedən 4-5 adamdan şübhələnməyə başlamışam. Artıq onların da ayağı kəsiləcək mənim evimdən və gələ bilməzlər.

Baxın, rəqqasə Fatimə xanımın övladının atasını tanıyırsız? Əlbəttə ki, yox, amma gündəmdə deyil. Bəs niyə məhz mən? Deməli, aralarda gözü götürməyənlər, satqınlar var”.

Qeyd edək ki, bir müddət bundan əvvəl keçmiş MTN qalmaqalında adı hallanan müğənni Şəbnəm Əsədovanın (Tovuzlu) şəxsi həyatı ilə yayılan yeni, ilginc məlumatlar mətbuatda, sosial şəbəkələrdə geniş müzakirələrə səbəb olub. Belə ki, Qafqazinfo.az saytının yazdığına görə, müğənni Rafiq adlı şəxsdən hamilədir. Onların vətəndaş nikahında yaşadığı bildirilir.

"İçerde" serialı ilə ekranlara dönən və Çağatay Ulusoyla tərəf müqabili olan Bensu Soral sevgilisi Hakan Başla görüntülənib.

MAY.AZ-ın məlumatına görə, bir restoranda şam yeməyi yeyərkən görüntülənən aktrisa vəkil rolunu canlandırdığı serial haqda "Yeni isnişirəm, daha yaxşı olacaq" deyib.

O, jurnalistlərin "Hakan bəylə evlilik barədə düşünürsünüz" sualına "Qismət" deyərək gülümsəyib./axsam.az/

Ötən gün müğənni Röya Ayxan “Xəzər” televiziyasında ilk efir günü yayımlanan “Nəsib olsa” verilişinin qonağı olub.

MAY.AZ musavat.com-a istinadən xəbər verir ki, müğənni proqramda tez-tez aparıcının sözünü kəsib, qonaqlara replikalar atıb və hədiyyə qutusuna təpik vurub.

Röya öncə onun adı yazılan gül qutusunu təpikləyib. Sonra yeni verilişi “Çöl adamı” haqda danışan Kamal Dənizin sözünü kəsib.

O, “Məhəbbət, ehtiras... Kamal, bas bağla. Harada kişi varsa, orada ehtiras var. İnsanlar qayğı içindədir. Onlara sevgi, ehtiras lazımdır”, - deyə bildirib.

Müğənni daha sonra Zaur Kamalla danışan aparıcının sözünü kəsib. O deyib ki, Zaur qocalmır. O, harada yatır? Soyuducuda neçə dərəcədə qalır ki, qocalmır? 10 ildir ki, səhnədəyəm. Zauru uşaqlıqdan izləyirəm. Zaurdan soruşmaq istəyirəm ki, nə zaman öləcək?”.

Röyanın bu addımı birmənalı qarşılanmayıb. Bəzi sosial şəbəkə istifadəçiləri onun efirə içkili çıxdığını iddia edib.

Müğənninin prodüseri Vüsal deyib ki, “Xəzər” televiziyasının öz qayda-qanunları var. Orada efirə heç kim içkili çıxa bilməz. Yeni bina, yeni kollektivdir. Verilişin mövzusu zarafat tipində idi. Türkiyənin “Beyaz show” verilişini xatırladırdı. Əvvəlcədən ssenari qurulmuşdu. Röyaya deyilmişdi ki, içərisindən adı çıxacaq qutuya təpik vursun. Orada artıq hərəkət olmayıb