Rəhmətə getmiş şəxsi dəfn etməyə aparanda molla nə oxuyur? Adamlar hamısı birlikdə nə deyirlər?

May.Az bildirir ki, adət ənənəyə görə, cənazəni çiyində aparanda molla qabaqda gedərək Qurandan Rəhman surəsini uca səslə oxuyur. Bu surədə bir ayə dəfələrlə təkrar edilir: "Fəbieyyi alai rəbbiküma tükəzziban". Tərc.: "Rəbbinizin hansı iki nemətini yalan sayırsınız?" Hər dəfə bu ayədən sonra cənazəni müşayiət edənlər bir səslə bu cümləni deyirlər: "La bi-şeyin min alai rəbbina nükəzzibü fələkəl-həmd". Tərc.: "Biz Rəbbimizin heç bir nemətini yalan saymırıq, Sənə həmd olsun".

Ağlıma gəlməyən başıma gəldi.
Bəlkə biz bu işə bir əlac qılaq?
Görüşüb ayrılmaq xoşuma gəldi,
Gəl yenə görüşək, yenə ayrılaq...

Gəl yenə görüşək, bir sevgi istə,
Saxta gülüşlərlə, saxta baxışla,
Yenə də adi bir səhvimin üstə,
De ki, mən gedirəm, məni bağışla...

Mən də razılaşım, susum lal kimi,
İzləsin qəm dolu baxışım səni.
Cavabı olmayan bir sual kimi,
Gələndən, gedəndən soruşum səni...

Kaş mənim yanımda qalaydın, ya da,
Nə bilim, başqa bir yolu seçəydin...
Ürəyin belə çox yanırdısa da,
Aramızdan keçən suyu içəydin...

Bu dünyada əbədilik nə var ki,
Ömür kimi hər şey gəldi-gedərmiş,
Nə sevginin günahı var nə bizim
Bu sevginin ömrü bura qədərmiş.

Məcnun ahı,Leylinin göz yaşları
Nə biləydik əfsanəymiş,hədərmiş
Qəm eyləmə hər yolun bir sonu var
Bu sevginin ömrü bura qədərmiş

Gülə-gülə başlamışdıq bu eşqi
Axırında göz yaşıymış kədərmiş
Məhəbbətin payız fəsli var imiş
Bu sevginin ömrü bura qədərmiş

Ayrılırıq xatirələr içində,
Bu ayrılıq ölümdən də betərmiş
Təsəllimiz bu olacaq sevgilim,
Bu sevginin ömrü bura qədərmiş

Zamanın dəyəri..
10 ilin dəyərini
dağılmış bir ailədən soruşun..
4 ilin dəyərini
Universitet vaxtı bir birini sevən amma indi ayrı həyatlar yaşayan iki nəfərdən soruşun..
1 ilin dəyərini
Qəbul imtahanını keçə bilməyən bir şagirdən soruşun..
9 ayın dəyərini
dünyaya tezece gözünü açmış bir körpəsi olan anadan soruşun..
1 həftənin dəyərini
Həftəlik jurnalın redaktorundan soruşun..
1 saatın dəyərini
görüşmək üçün bir-birini gözləyən aşiqlərdən soruşun..
1 dəqiqənin dəyərini
təyyarə, qatar, və ya avtobusa gecikən birindən soruşun..
1 saniyənin dəyərini
Qəzaya düşmüş bir insandan soruşun..

Zaman heç kimi gözləmir. Əslində sahib olduğunuz hər an xəzinədir.

"Mərkəzi Seçki Komissiyası (MSK) sentyabrın 26-na təyin edilən referendumun yüksək səviyyədə hazırlanıb keçirilməsi üçün bütün lazımi işləri vaxtında həyata keçirib”.

APA-nın məlumatına görə, bunu bu gün keçirilən mətbuat konfransında MSK sədri Məzahir Pənahov deyib.

M.Pənahov bildirib ki, MSK referendumun keçirilməsi üçün müəyyən edilən 60 gündən çox səmərəli istifadə edib və hətta bir sıra işlər vaxtından əvvəl həyata keçirilib. Seçicilər də referendum barəsində ətraflı məlumatlandırılıb: "Həm dairə, həm də məntəqə seçki komissiyalarının sədrləri və üzvləri də maarifləndirilib və onlar öz işlərinə məsuliyyətlə yanaşır. Bütün seçki dairələri texniki vasitələrlə təmin edilib ki, məlumatlar dərhal MSK-ya daxil olsun. Bunun üçün kompüter mütəxəssislərinə xüsusi təlim keçirilib. Seçkilərin Seçki Məcəlləsinə uyğun həyata keçirilməsi üçün digər dövlət qurumları, o cümlədən polis orqanlarının, Pentensiar Xidmətin, Ombudsman Aparatının, Səhiyyə Nazirliyinin, kütləvi informasiya vasitələrinin əməkdaşları üçün də bu istiqamətdə təlimlər keçirilib. Hesab edirəm ki, sabah səsvermədə heç bir problem yaranmayacaq”.

M.Pənahov qeyd edib ki, hazırda xaricdə olan seçicilərin səsverməsi üçün müvafiq şərait yaradılıb, xaricdə olan səfirlik və konsulluqlarda seçki məntəqələri yaradılıb. MSK sədri nəzərə çatdırıb ki, referendumu izləmək üçün bu günə qədər 117 beynəlxalq müşahidəçi MSK-da akkreditasiyadan keçib: Həmin beynəlxalq müşahidəçilər 35 ölkənin, Avropa Şurası Parlament Assambleyası da daxil olmaqla, müxtəlif beynəlxalq təşkilatların nümayəndələri, parlamentarilərdir: "Müşahidə aparmaq istəyən ölkə vətəndaşlarının sayı da kifayət qədər geniş çeşidlidir. Bura həm siyasi partiyaların nümayəndələri, öz təşəbbüsü ilə müşahidə aparmaq istəyən vətəndaşlar, həmçinin qeydə alınmış təşviqat qrupunun nümayəndələri daxildir. Ümumilikdə müşahidəçilərin sayı 53 mindən artıqdır”.

Sentyabrın 26-da Bakıda və Abşeron yarımadasında, eləcə də respublikanın bölgələrində gözlənilən hava şəraiti açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən May.Az-a verilən məlumata görə, sabah Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Lakin günün birinci yarısında yarımadanın bəzi yerlərində qısamüddətli yağış yağacağı ehtimalı var. Gündüz cənub küləyi əsəcək. Havanın temperaturu gecə 15-18° isti, gündüz 20-24° isti, Bakıda gecə 15-17° isti, gündüz 21-23° isti olacağı gözlənilir. Atmosfer təzyiqi norma daxilində 760 mm. civə sütunu təşkil edəcək. Nisbi rütubət gecə 80-90 %, gündüz 60-70 % təşkil edəcək.

Azərbaycanın rayonlarında gözlənilən hava, əsasən yağmursuz olacaq. Səhər ayrı-ayrı yerlərdə duman olacağı, şərq rayonlarında qısamüddətli yağış yağacağı gözlənilir. Şərq küləyi əsəcək. Havanın temperaturu gecə 10-15° isti, gündüz 21-26° isti, dağlarda gecə 2-7° isti, gündüz 11-16° isti olacağı gözlənilir.

Şahin Həbibov

Bakıda ağır yol qəzası baş verib.

May.Az-in Lent.az-a istinadən məlumatına görə, Xəzər rayonu ərazisində, Mərdəkan-Buzovna yolunda "Toyota" markalı avtomobil yolu keçmək istəyən qadını vurub. Ağır xəsarət alan 40 yaşlı qadın hadisə yerindəcə keçinib.

Faktla bağlı Xəzər rayon Polis İdarəsində cinayət işi açılıb, araşdırma aparılır.

Sumqayıt şəhərində məktəbli qız qaçırılıb.

May.az-in Avropa.info-ya istinadən məlumatına görə, Sumqayıt şəhərində 9 saylı orta məktəbin 11-ci sinif şagirdi olan qızı qaçırıblar.

Sayt yazır ki, baş verən hadisəylə bağlı həmin məktəbin direktoru Bəhruz Səlimxanov Sumqayıt şəhər Polis İdarəsinə aparılıb.

Direktoru özü isə Xeberle.com-a belə bir faktın olduğunu təsdiqləyib. Lakin o, hadisənin məktəbdə deyil, dərs bitəndən sonra baş verdiyini deyib. B.Səlimxanov hadisəylə bağlı Sumqayıt şəhər Polis İdarəsinə aparılması ilə bağlı yayılan məlumatları isə təkzib edib: "Belə bir hadisə olub. Amma dərs bitəndən sonra. Həmin şagird məktəbdən çıxandan sonra qaçırılıb. Mənim polisə aparılmağımla bağlı məlumat isə tamamilə yalandır. Hazırda iş başındayam”, - deyə direktor bildirib.

Direktor qaçırılan şagirdin adını açıqlasa da, etik baxımdan məktəblinin ad və soyadını vermirik.

Toğrul Hümmətov ABŞ-ın Men Ştatında "Thornton Academy" məktəbini qızıl medalla bitirib.

May.az faktor.az-a istinadən xəbər verir ki, ABŞ prezidenti Barak Obama tərəfindən fəxri diplomla mükafatlandırılan Toğrul hazırda ABŞ-ın Boston şəhərində yerləşən Bryant Universitetində ali təhsilini davam etdirir.

Meyxanaçı Namiq Qaraçuxurlu xalq artisti Aygün Kazımova ilə efirə çıxmama səbəblərindən danışıb.

Axşam.az-ın məlumatına görə, sənətçi bu haqda "5/5” verilişində bəhs edib.

Meyxanaçı aparıcının "Toylara birlikdə gedirsiniz, amma efirlərdə görünmürsünüz. Toyda pul verirlər deyə razılaşırsınız” sualına belə cavab verib:

"Toya birlikdə gedəndə heç nə olmur, sakit keçir. Amma efirə bir çıxsaq söz-söhbət yaranacaq. Aramızda heç bir problem yoxdur”.