Ermənistan Silahlı Qüvvələri Ağdamın işğal olunmuş ərazilərində yenidən hərbi təlimlərə başlayıb.

May.Az APA-ya istinadən bildirir ki, erməni hərbi birləşmələri günün ikinci yarısından ağır artilleriya qurğularından istifadə edərək hərbi təlim keçir.

Təlim zamanı hərbi texnikalardan açılan atəş səsləri cəbhəyanı yaşayış məntəqələrində aydın eşidilir.

İddialar var ki, satışda kərə yağı kimi təklif olunan məhsulların çoxunun gerçək kərə yağı bir əlaqəsi yoxdur. Bu yağların bir qismi heyvanların iç yağı, piylər və bitkilərdən hazırlanır, bəziləri isə kimyəvi tərkiblidir. Onlara kərə yağının dadını və qoxusunu verən xüsusi qatqılar vurulur ki, bunlar da sağlamlığa təhlükə yaradır. Bəzi yağlar da xarici marka altında satılır, lakin onlar kiçik sexlərdə düzəldilir. Belə ki, idxal olunan ucuz yağların tərkibinə marqarin, mənşəyi bəlli olmayan piylər, əlavə qatqılar vurularaq istehlakçılara baha qiymətə satılır. Bunlardan "Bestgov” və "Newland” yağlarının adı çəkilir. Rast gəlinən "Newland” nümunəsində Yeni Zelandiya məhsulunun üzərində 4 gün qabaq istehsal olunduğu qeyd edilib. Halbuki, bu ölkdən məhsulları gəmi ilə iki aya gətirilir. "Bestgov” yağının isə üstündə Yeni Zelandiya yazılıb, lakin rekvizitləri Azərbaycanda istehsal olunduğundan xəbər verir. Mağazalarda qiyməti 3 manata da "kərə” yağları var. Onların Rusiya yağı olduğu bildirilir. Bu isə heç yağın maya dəyəri deyil.

Bizimyol.info qonşu ölkələrdə kərə yağının satış qiymətini araşdırıb. Əvvəlcə tsenomer.ru saytında Rusiyada kərə yağlarının sentyabr ayı üçün qiymətlərini təhlil etmişik. Misal üçün, sentyabrın 24-də Krasnoqorsk şəhərində "Pyaterocka” mağazasında kərə yağının bir kiloqramı 400 rubl olaraq qeydə alınıb. Rublın milli valyutaya olan bugünkü məzənnəsinin 0.0255 manat olduğunu nəzərə alsaq, qiymət 10.20 manatdır. Sankt Peterburqda yenə eyniadlı mağazada 1 kiloqram yağ 1100 rubl təşkil edir. Bu isə 28.05 manat edir. Kemerovada kərə yağının kiloramı 200 rubldır – 5.10 manat. İrkutsk şəhəri "Slata” mağazasında bu ay kərə yağının kiloqramı 500 rubl təşkil edib – 12.75 manat. Göründüyü kimi Rusiyanın ayrı-ayrı şəhərlərində ən ucuz kərə yağının kiloqramı 5.10 manatdır. Bütövlükdə Rusiya üzrə orta qiymət 414 rubl, Moskva və Moskva vilayətində isə 325 rubl olaraq qeydə alınıb. Bütün bunlara təbii ki, daşınma xərci və gömrük rüsumu da əlavə etmək lazımdır.

Hesablamalara görə, yüksək keyfiyyətli kərə yağının kiloqramının maya dəyəri heç olmasa 5 manata başa gələr. Bundan ucuz yağların isə tərkibindən şübhələnməyə dəyər. Yerli bazarda 3-4 manata da "kərə yağı” adı altında məhsullar satılır. Bu ilin 8 ayında ölkəmizə gətirilən 9 718,91 ton kərə yağı və süddən hazırlanmış digər yağların ümumi dəyəri 33 358,86 min dollar təşkil edib. Bu, 1 ton məhsul üçün 3 432 366, 1 kiloqrama 3,43 dollar orta qiymət deməkdir. Yerli marektlərdə normal kərə yağlarının qiyməti 9-12 manatdan başlayır. Keçən il 14 282,48 min dollarlıq 7 676,76 ton belə məhsullar gətirilib. Kərə yağının tonu orta hesabla 1 860 482, kiloqramı 1,86 dollar olub. Həcmdə çox dəyişiklik olmasa da müqayisədə bu il qiymət artımı az qala iki dəfədir. Su qiymətinə gətirib, od qiymətinə satmaq ayrı mövzudur, onun keyfiyyəti isə başqa. Rusiyada belə daxili istehsal olan kərə yağının kilosu 1.86 dollara deyil. Əslində, bu qiymətə idxal olunduğuna inanırıq, amma o halda gətirilən kərə yağı yox, nəsə başqa bir şeydir. Ölkədə 3 manata da "kərə yağı” adı altında satılan yağlar var.

Ukraynada 73% yağlığığı olan, piy qatqısı olmadığı bildirlən 1 kiloqram. kərə yağının qiyməti internetdə 85 qrivnaya təklif olunur. 1 grivna bu gün 0.0629 manatdır. Bu isə 5.35 manat deməkdir. Rüsumsuz, daşınma xərci olmadan. Azərbaycana gələnə qədər ən az 7 manat olacaq. 70 qrivnaya da yağ satılır – 4.40 manat, amma tərkibində hər hansı qatqısının olub-olmadığı qeyd edilməyib. Amma yağlılığı 72,5% göstərilib. Başqa birinin pərakəndə satış qiyməti 1 kiloqram üçün 90 qrivnayadır, yəni 5.66 manat. Qatqısız olduğu vurğulanıb. 20 ton təklif olunub. 54 qrivnaya kərə yağının da ərinmiş piy və ya əlavə qatqı qatılmadığı qeyd edilib. Bu da 3.40 manatdır. 2380 dollara da kərə yağı təklif olunur. Bu yağın topdansatış qiymətidir, kiloqramı 2.38 manatadır. Amma burada tərkibində qatqı olub-olmadığını göstərmirlər. Adətən qatqı olmadığı zaman bu. xüsusi qeyd edilir. Yox. əgər qatqı olub-olmadığı barədə susurlarsa, deməli var.

Türkiyədə kərə yağı bahadır - ən ucuzu 6.57 manat (12 Tl). O da cəmi bir yerdə rastımıza çıxdı. Qalanlar topdansatışda 14,90 Tl, 24-25 Tl, 30 Tl, 40 Tl, 72 Tl və s. qiymətlərə təklif olunur. Azərbaycanda süd istehsalı artır, amma kərə yağına olan ehtiyac əsasən idxal məhsulları hesabına ödənir. İdxal olunan mal qrupları arasında da kərə yağı və müxtəlif bitki, heyvan mənşəli yağlar və piylər üstünlük təşkil edir. 2015-ci ildə 22 392,65 min dolarlıq kərə yağı idxal edilib. Bitki və heyvan mənşəli piylər və yağlar isə 83 834,13 dollar təşkil edib. Ondan bir il əvvəl 25 118,60 min dollar dəyərində kərə yağı gətirilib. Bitki və heyvan mənşəli piylər və yağlar isə 88 109,96 min dollar olub.

Standartlaşdırma, Metrologiya və Patent üzrə Dövlət Komitəsidən də bildirilib ki, ölkəyə idxal olunan keyfiyyətli kərə yağlarını sonradan gizli sexlərdə bitki yağları ilə qarışdırır və satışa buraxırlar. Üzərində də yağlılığı 82 faiz göstərilir. Komitədən deyiblər ki, uyğunluq sertifikatı olmayan yağlar şübhəlidir, mənşəyi məlum deyil. Alıcılar da sertifikatsız yağları almaqdan çəkinməlidir. Hansı mağazadan sertifikat tələb edə bilərsiniz? Sizə gülərlər. Əslində idxal olunan əksər yağların tərkib məlumatlarında əvəzedicidən hazırlandıqları qeyd olunur. Bəzilərində hətta tərkibinə kərə yağı qatıldığı da göstərilir. Ona görə də istehlakçıların bir qədər diqqətli olması yetərlidir ki, keyfiyyətli məhsulu ayırd edə bilsin. Ştrix-kodlara da diqqət edilməlidir ki, ən azından daimi istifadə etdiyiniz yağın mənşəyini, tərkibini biləsiniz. Azərbaycan məhsulları 476, Yeni Zelandiya 940-949, Rusiya isə 460-469 barkod prefiksi ilə öz məhsullarını satışa çıxarır. Amma o da iddia olunur ki, ölkədə təmiz kərə yağı satılmır. Hətta qiyməti 9-15 manata olanların da tərkibində kənar qatqılar var. Qiymət isə nə qədər bahadırsa, keyfiyyət də ona uyğun artır. Amma tələbat əsasən qiyməti ucuz olan yağlaradır.

Azərbaycan-Kanada Birgə Müəssisəsi - AZCAN "ADEX 2016” beynəlxalq müdafiə sərgisində Azərbaycanda istehsal olunmaq və xaricdə satılmaq üçün yaradılmış flaqman tipli zirehli transportyoru (ZTR) təqdim edib.

Oxu.Az-ın APA-ya istinadən xəbərinə görə, AZCAN-ın baş direktoru Roman Şimonov bildirib ki, onların təqdim etdiyi flaqman tipli ZTR Azərbaycanda istehsal ediləcək və bütün dünyada satılacaq.

Qeyd edək ki, AZCAN təhlükəsizlik sahəsində müştərək Azərbaycan-Kanada müəssisədir.

Polis Akademisi'nde okuyan Sarp ve Mert kardeş olduklarından habersiz birbirlerine rakip olurlar. Sarp, Kaçakçılık ve Organize Suçlar Şube Müdürü Yusuf tarafından Polis Akademisi'nden mezun olmasına bir hafta kala polislikten atılır. Mezuniyet günü Yusuf'a silah çeken Sarp böylece daha önce hiç bilmediği yepyeni bir hayata adım atar. Bu yeni ve karanlık dünyada Sarp'ın en yakın düşmanı ise Akademi'nin diğer göz bebeği Mert'dir.

Yapım: Ay Yapım
Yönetmen: Uluç Bayraktar
Senaryo: Ertan Kurtalan, Toprak Karaoğlu

Oyuncu Kadrosu:
Sarp: Çağatay Ulusoy
Mert: Aras Bulut İynemli
Celal: Çetin Tekindor
Yusuf: Mustafa Uğurlu
Melek: Bensu Soral
Eylem: Damla Colbay
Füsun: Nihal Koldaş
Davut: Rıza Kocaoğlu

Kinolara çəkilsə də, özünü teatr aktrisası sayır və özünü səhnədə daha rahat hiss edir. Adətən komik rollarda yer alsa da, daha çox dramatik obrazlarda tamaşaçı qarşısına çıxmaq arzusundadır.

Arzuları bitirib-tükənməyən Bakı Bələdiyyə Teatrı və Parni iz Baku KVN Teatrının aktrisası Nigar Babayevanın publika.az-a müsahibə verib:

- Həm filmlərə çəkilirsən, həm də teatr səhnəsində çıxış edirsən. Harada özünü daha rahat hiss edirsən, səhnədə, yoxsa çəkiliş meydançasında?

- Hələ Mədəniyyət və İncəsənət Universitetinin teatr və kino aktyoru fakültəsində təhsil alanda elə bilirdim ki, kino mənə daha yaxındır. Amma teatrda işə başlayandan sonra fikrim dəyişdi. Yeri gəlmişkən, onu da deyim ki, müəllimim xalq artisti Firəngiz Mütəllimova olub. Film belədir ki, rejissor istədiyini ala bilməsə, 5-6 dubl da çəkə bilər. Amma teatr canlı ünsiyyətdir, səhnəyə çıxıb oynayırsan. Kinoda səhvi başqa dublla düzəltmək olar, amma gərək teatrda səhv buraxmayasan.

- Eşitdik Parni iz Baku KVN Teatrının ekranlaşdırdığı "Ölülər 21-ci əsrdə" filmində rol almısan. Rolun ürəyincədir?

-Poçtalyon Rəna rolunda çəkilmişəm. Rolumu görüb dəyərləndirərsiniz.

- Özünü hansı janrda daha gözəl ifadə edə bilirsən, komediyada, yoxsa dramda?

- Həmişə komik rollara çəkilirəm, amma dram mənə daha yaxındır. Bələdiyyə Teatrının səhnələşdirdiyi "Məkr və məhəbbət" tamaşasında baş rolda oynadım, hər kəs şok oldu ki, komik bir aktrisa dramatik obrazı necə məharətlə yarada bildi. İstərdim ki, rejissorlar mənə dramatik rollar təklif eləsin.

- Bu günlərdə bir həmkarın narazılıq etdi ki, peşəkar aktrisalar qalıb qıraqda, küçədən kimisə gətirib seriala çəkirlər. Sən də bunun əleyhinəsən?

- Bəli. Qeyri-peşəkar dərhal özünü büruzə verir. Hətta epizodik rolda oynasa da belə. Bu da tamaşaçını qıcıqlandırır.

- Nigar, bir aktrisa olaraq özünə qadağaların varmı?

- Əlbəttə var..

- Məsələn?

- Heç vaxt açıq-saçıq səhnədə çəkilməyə razılıq vermərəm.

- Niyə?

- Azərbaycanda intim səhnələrə çəkilmək mümkün deyil. Çəkilən çəkilir e, amma mən istəmirəm. Buna hazır deyiləm.

- Şəxsi həyatına mane ola biləcəyindən ehtiyatlanırsan?

- Yox, sadəcə olaraq, xasiyyətimə yaddır.

- Gənc, subay, tanınmış aktrisasan, yəqin ki, sevgi elan edənlər çoxdur? Reaksiyan necə olur?

- Yazırlar, amma heç birini cavablandırmıram. Bilirəm ki, salamlarına cavab verdimsə, keçəcəklər başqa suallara. Söhbəti uzatmıram.

- Bəlkə elə bu söhbət xoşbəxt sonluqla bitdi?

- Sosial şəbəkə vasitəsi ilə tanışlığın xoşbəxt sonluğuna inanmıram. Belə münasibətlərə qeyri-ciddi baxıram.

- Ailə quracağın oğlan səni sənətdən ayırsa, bəs, razılaşarsan?

- Bu, mümkün deyil, məni seçən sənətimlə bərabər seçməlidir.

- Birdən elə olmadı, onda ömürlük subay qalacaqsan?

- Yəqin ki...

- Sevdiyin oğlan var?

- İstəmirəm şəxsi həyatım barədə danışım. Çünki bir dəfə nəsə demişdim, onu da başlığa çıxarmışdılar. Çox pis nəticəsi oldu. Düzgün anlaşılmadı, hərə bir tərəfdən düşdü üstümə.

- Sosial şəbəkələrdə elə şərhlər olubmu ki, səni son dərəcə özündən çıxarsın?

- O qədər olur. Mənə pis-pis təkliflər edirlər, hətta söyüş yazırlar.

- Reaksiyan necə olur, yəqin, gözünün yaşına güc verirsən?

- Onlar qara siyahıdadır. Həm də artıq öyrəşmişəm belə şeylərə.

- Hollivud aktrisalarına baxırsan, hamısı lüks həyat yaşayır. Onları görəndə nə düşünürsən?

- Hollivud o tərəfdə qalsın qardaş, Türkiyənin aktrisaları lüks həyat yaşayır. Bizdə vəziyyət çox acınacaqlıdır. Sağ əlləri bizim başımıza. Teatrda aldığımız məvacib çox azdır, buna görə də aktyorlar məcbur olub seriallara, reklam roliklərinə çəkilir.

- Maraqlıdır, daha çox nəyə pul xərcləyirsən?

- Geyimə. Ən çox da çanta və ayaqqabılara.

- Ən bahalısının qiymətini açıqlayardın?

- Yox, amma çantalarım brend olur. Paltarlarda brend o qədər də önəmli deyil.

- Yeni mövsümdə hansı yeniliklər gözlənilir?

- "Üç badam bir qoz" filminə çəkilməliyəm. Çəkiliş başlasın, sonra bu barədə danışaram. Seraillardan hələ ki, təklif almamışam. Teatrda da yeni mövsümdə yəqin ki, işimiz çox olacaq.

- Elə bir aktyor varmı ki, onunla tərəf-müqabili olmaq arzusu ilə yaşayırsan?

- Azərbaycanda o aktyor Rasim Balayevdir. Əcnəbilərdən isə Leonarda De Kaprio sevdiyim aktyorlardandır.

..."Qadın döyülüb-söyüldüyü üçün evi tərk etməməlidir", - sığıncaqdakı qadınlara etiraz edir.

Amma özü də sığınacağa pənah gətirib.

May.Az bildirir ki, artıq 1 aydır ki, 4 yaşlı oğlu ilə "Təmiz Dünya" Qadınlara Yardım İctimai Birliyinin sığınacağında qalır. Kimi paltar, kimi də ayaqqabı verib.

Müsahibə vermək təklifinə tərəddüdlə razılaşır. "Gedək, təklikdə söhbət edək, kimsə bizi eşitməsin", - cavab gözləmədən otağa girib qapını bağlayır.

Beləliklə, onunla söhbətləşirik. Sığınacağın yeni sakinlərindən biri - 26 yaşlı Səadət Əliyevanı evdən qaçıran səbəblərdən danışırıq.

- Sığınacaqdakı qadınları dinləyirəm, hərənin bir dərdi var. Qadınların çoxu döyüldüyü üçün evi tərk edib. Onları qınamıram da. İnsanın başına gəlməyənədək başqasını anlaya bilməz. Mən o qədər döyülmüşəm ki, daha ağrı-acıya alışmışam. Bəzən başımı divara çırpıb, boğub, saçımdan tutub yerləri sürüyüb. Adam hər gün döyüləndə bir az daha bərkiyir. Hər gün özümü alışdırırdım, bir-iki təpik, şillə, ölməyəcəm deyirdim.



- Döyüldüyün üçün evi tərk etməmisən?

- Yox, döymək, söyülmək bizim ailədə adi hala çevrilib. Biri var, hansısa səbəb olsun, kişini hirsləndirəcək hərəkətlər edəsən. Biri də var ki, niyə döyüldüyünü bilməyəsən. Yəni bizdə vəziyyət fərqlidir. Mən onunla ehtiyatla rəftar edirəm, çalışıram ki, heç bir sözündən çıxmayım. Bəzən məni cəzalandırmaq üçün evə heç nə almır, uşaq da ac qalır. Sonuncu dəfə dedim ki, uşağa geyindirməyə heç nə yoxdur, icazə ver, heç olmasa, anamgildən borc istəyim. Amma icazə vermədi. Keçən dəfə evdən qaçarkən yoldakı mağazaların birində satıcının yazığı gəldi, uşağa ayaqqabı verdi. Hər dəfə mən evdən qaçıram, bizi tapır, dəyişəcəyinə söz verir. Amma heç nə dəyişmir. Kirayə evdə yaşayasan, çölə çıxmayasan, qapını heç kim açmaya. Nə atam, nə də bir qohumum evimizə gələ bilmir. Öz ailəsi də onu görmək istəmir. Nə qədər belə vəziyyətdə yaşamaq olar? Ata-anasına şikayət edirəm, deyirlər ki, o birinci ailəsinə də zülm edib, tanımadan ərə gəlməyəydin. Heç kim onun işinə qarışa bilmir. Amma hər dəfə gedib-qayıdanda bəlkə bir ümid var deyirəm. Hər dəfə də bir az daha ümidim ölür. Görürəm ki, artıq yolum yoxdur.

- Əvvəl də evdən qaçmısan.

- Hə, bir neçə dəfə evdən qaçmışam. Bir dəfə məni lüt soyundurub küçəyə qovdu. Divarın dibinə çöməlib oturdum. Yalvardım ki, heç olmasa üstümü örtməyə bir şey versin. Kimsə məni o vəziyyətdə görsəydi, heç nəyə baxmadan özümü öldürəcəkdim. Soyuq hava, yağış yağır, gizlənməyə yer axtrırdım. Sonra dedi ki, sənin namusunu sınayırdım. Bilmək istəyirdim ki, mənə sədaqətli olacaqsan, ya yox. Lüt arvadını küçəyə qovan adam səndən sədaqət tələb edir. Həmin günün səhəri onunla barışdım. Yemək bişirdim, çalışdım ki, heç nədən şübhələnməsin. Sonra evdən qaçdım. Bilirsiniz, dərdimi deməyə heç kimim yoxdur. Ata-anama da pənah apara bilmirəm, həyat yoldaşım onları öldürəcəyi ilə hədələyir. Onlarda məni qorumağa cəsarət yoxdur. Burada yalnız Mehriban Zeynalova, bir də psixoloqla danışa bilirəm.



- Bəs o işgəncədən sonra niyə təkrar onun yanına qayıtdın?

- Başqa əlacım olmadı. Heç yerdə iş tapa bilmədim, nə qədər sığınacaqda qalmaq olar? Məni zorla evə apardı. Söz verdi ki, əvvəlki kimi olmayacaq. Amma səhəri gün məni döydü, başımı divara o qədər vurmuşdu ki, bir həftə gözümü aça bilmədim. 7 ay birtəhər yaşadıq, təkrar evdən qaçmağa məcbur oldum. Hər şeyə dözə bilirəm, təkcə bu hərəkətinə yox...

- Nəyə?

- Hər gün məni zorlayır, özü də döyə-döyə... Etiraz etməyə imkanım yoxdur. Həkim sonuncu dəfə dedi ki, əməliyyata ehtiyacın var. Belə davam etmək olmaz. Yenə də xeyri yoxdur. Yəni bunu, onun vəhşiliyini kimə deyə bilərəm? Yalnız Mehriban xanımla danışıram. Döyülməyə, söyülməyə razıyam. Amma hər gün eyni işgəncəyə dözmək olmur. Gecə o yatandan sonra evdən qaçmışam, ayağıma ayaqqabı geyinməyə qorxdum. Nə özümə, nə də uşağa paltar götürməmişəm. Burda hərə bir paltar verib. Amma soyuq olanda geyməyə paltarımız, ayaqqabı yoxdur. Bundan sonra vəziyyətimiz necə olacaq, onu da bimirəm. Dilənməklə, ondan-bundan paltar almaqla yaşamaq mümkün deyil. Uşaq meyvə istəyir, oynamaq, oyuncaq istəyir. Sığınacağa gələn hər kəsin qucağına qaçır, digər uşaqların əlindəki oyuncaqlara elə həsrətlə baxır ki... Siz çarəsiz qalmağın nə olduğunu bilirsinizmi? Bunu yaşamayan anlaya bilməz. Uşağına hər konfet verənə minnətdar olmaq bilirsiniz nə deməkdir? İndi bura gətirilən yardımlara gözümüzü dikmişik. Gözləyirik ki, kimsə geymək istəmədiyi paltarlardan bizə gətirəcək. Belə yaşmaq çox çətindir.

Bəli, sığıncaqdakı qadınları evdən qaçmağa məcbur edən səbəblər müxtəlifdir. Amma hamısı çarəsiz durumdadır. Onların isti paltara, ərzağa ehtiyacı var...

ATV-nin tanınmış aparıcısı Nanə Ağamalıyeva yaman dəyişib.

MAY.AZ xəbər verir ki, aparıcı daha da gözəlləşib.

Nanəni görənlər onun estetik əməliyyat etdirdiyini, gözəlləşmək üçün yenidən əməliyyat masasına uzandığını söyləyib.

Hamı Nanənin bu fotolarına təriflər yağdırıb.

Bir neçə gündür ki, üzərində tülpanlar olan mavi kostyumlu şəxsin geyimi sosial şəbəkələrdə geniş müzakirə olunur. "Qafqazinfo” xəbər verir ki, şadlıq sarayında çəkilmiş foto istifadəçilər tərəfindən birmənalı qarşılanmayıb. Sözügedən şəkli paylaşan izləyicilər kostyumdakı güllərlə bağlı məzəli statuslar paylaşıblar. Hətta fotonu paylaşanlar arasında məşhurlar müğənnilər də olub.

Fotodakı şəxsin müğənni olduğu iddia edilsə də, daha sonra məlum oldu ki, əslində bu geyimləri Bakının məşhur gül dükanlarından biri işçiləri üçün sifariş verib.

Sosial şəbəkələrdə gülüş obyektinə çevrilən fotolarla bağlı həmin şirkət rəsmi hesabında belə bir açıqlama yayıb:

"Şirkətimiz həmişə olduğu kimi öz yeni və möhtəşəm dizayn ilə yenidən gündəmi alışdırdı. Sözsüz ki, keyfiyyətimizi daha da çoxaltmaq üçün bizi sevən və dəstəkləyən hər kəsə iş keyfiyyətimizi önə çəkəcək şəkildə gördüyümüz və ərsəyə gətirdiyimiz işləri sizlərlə ardı-ardıcıllıq ilə paylaşırıq.

Qeyd: Ən əsası işimizə dırnaq arası baxan dostlarımıza xüsusi təşəkkürlərimizi və sayğılarımızı göndəririk!”



Bu məqamda onu da qeyd edək ki, tənqid olunanan kostyumlara hazırda xarici onlayn satış mağazalarında 99.99 dollara rast gəlmək mümkündür.

Bir müddət əvvəl gözəllik salonunun reklam çarxı ilə bağlı da eyni hadisənin yaşandığını nəzərə alsaq, bu kimi reklam kampaniyalarının şəbəkə istifadəçiləri tərəfindən birmənalı qarşılanmadığını deyə bilərik. Məsələni şərh edən PR mütəxəssisi Vüqar Babanın sözlərinə görə, bu tip şirkətlərin reklam edərkən məqsədləri əsas qiymətləndirmə amili olmalıdır:

"Qarşılarına qoyduqları hədəfə uyğun marketinq və ya PR nöqteyi nəzərdən analiz etmək olar. Mən dəqiq məqsədlərini bilmirəm, amma fərz etsək ki, bu şirkətlər üçün əsas olan tanınmaq, hər kəsin onlar barədə danışmasıdırsa, o zaman demək olar ki, əla iş görüb, istədiklərini bacarıblar. Çox adam onlardan danışır.
Suallar verilir ki, bu, səviyyəli reklamdırmı? Bu suala da sualla cavab verərdim ki, bütün məhsulları səviyyəli olduğu üçünmü alırıq?

Ən azı ilk etapda populyar olmaq hədəflərinə çatıblar. Ölkədə bu şirkətləri tanıyanların sayı dəfələrlə artıb. Yəqin ki, bu artım onlara müştəri olaraq da geri dönəcək.

Səviyyəli olmaq kimi bir problemləri olsa, növbəti etapda bunun üçün də müəyyən fəaliyyətlər edə bilərlər (reklam çəkə, aksiyalar edə). Məşhur olduqları üçün bundan sonra atacaqları səviyyəli addımlar da diqqət mərkəzində olacaq. Amma bu reklamlar sayəsində bu qədər məşhur olmasaydılar səviyyəli fəaliyyətləri də heç kəsin diqqətini çəkməyəcəkdi”.

PR mütəxəssisi son olaraq qeyd edib ki, insanlar məşhur olan yerlərdə olmağı, məşhurlarla yanaşı olmağı sevir:

"Bəzi müğənnilər də var - ictimaiyyət onları səviyyəsiz deyə qiymətləndirir. Eləcə də, media. Amma məhz o ictimaiyyət səviyyəsiz dediyi müğənnilərə minlərlə pul xərcləyir ki, təki gəlib o "səviyyəsiz" dediyi müğənni onun toyunda 3 mahnı oxusun. Deməli, səviyyəsiz olmaq uğusuz olmaq demək deyil”.

Madridin "Real” klubunun futbolçusu Kriştiano Ronaldonun komandanın baş məşqçisi Zinəddin Zidanla soyuq müharibədə olması İspaniya mətbuatının gündəminə çevrilib.

Son oalaraq La Liqanın VI turunda "Las Palmas”la qarşılaşmada açıq-aşkar hiss olunub. "Sport” qəzeti iddia edir ki, sözügedən oyununun 72-ci dəqiqəsində əvəzlənən futbolçu baş məşqçiyə yaman əsəbləşib. Onun Zidana "fahişə oğlu” dediyi iddia olunur. Fransız çalışdırıcı matçdan sonra da Ronaldonun zədə əvəzlənməsi haqqında danışmışdı. O, qarşıdakı çətin oyunları nəzərə alaraq belə addım atdığını demişdi: Çərşənbə günü də oynadığımız üçün ona istirahət verməli idim. Ronaldo yaxşı oynadı, buna baxmayaraq, dəyişiklik etməliydim. Çünki qarşıda Çempionlar Liqasında çətin oyunumuz var".

Zidan bu gün çıxan iddialar barədə də fikirlərini bildirib. O, Ronaldonun əvəzlənən zaman əsəbi olmasına belə şərh verib: "Əsəb? Xeyr. Məncə, bu sizin fantaziyanızdı. Hər bir futbolçu həmişə meydanda olmaq istəyər. Ancaq mənim də futbolçularımı düşünməyim lazımdı, xüsusən də Ronaldonu”.

Toy günlərini referenduma gedərək əbədiləşdirən cütlüyə rayon icra hakimiyyətinin başçısı Elxan Usubov tərəfindən...

Toy günlərini referenduma gedərək əbədiləşdirən cütlüyə rayon icra hakimiyyətinin başçısı Elxan Usubov tərəfindən televizor hədiyyə olunub.

6 saylı seçki məntəqəsində səs verdikdən sonra şadlıq sarayında toy günlərini qeyd edən bəy və gəlinin hədiyyəsi evlərində təqdim olunub. Şəki Şəhər İcra Hakimiyyətinin başçısı tərəfindən verilən hədiyyəni kənd üzrə icra nümayəndəsi təqdim edərək xoşbəxtlik arzulayıb.

Toy günlərinin olmasına baxmayaraq dövlət əhəmiyyətli hadisədən kənar qalmayan cütlüyə atdıqları cəsarətli addıma görə təşəkkür edilib.

Maşın bazarında ikinci əl avtomobillərin qiyməti sürətlə bahalaşır. Demək olar ki, son aylarda müxtəlif markalı avtomobillərin qiyməti 1000-1500 manat bahalaşıb.

Musavat.com-un müxbiri maşın bazarındakı son durumu öyrənmək üçün Badamdar qəsəbəsindəkı Avtomobil Satışı Mərkəzində olub və qiymətlərlə maraqlanıb. Ölkənin ən böyük avtomobil bazarı paytaxtın Badamdar qəsəbəsində həftənin şənbə və bazar günlərində fəaliyyət göstərir. Respublikanın dörd bir yanından avtomobil almaq və ya satmaq istəyənlər bu bazara üz tuturlar. Hər həftə burada yüzlərlə şəxsi və satışda olan avtomobillər müştərilərə təklif olunur.

Bazara qədərki bazar... Burada aldana bilərsiniz!
Badamdar bazarı avtomobil satışı ilə yanaşı, bir çox dəllalların qazanc yeridir. Əsasən bazar günləri bazarda maşın alverçilərin daha çox olur. Onları bazara çatmamış, "Qurd” qapısından bazarın girişinədək olan ərazidə görmək olar. Onlarla alverçi burada durub avtomobilini satmağa gələnləri yol kənarında saxlayıb, sövdələşmə aparır. Bu alverçilərin bazarda yox, məhz burada dayanmasının səbəbi isə avtomobili daha ucuz almaq istəyi ilə bağlıdır. Çünki bazardakı qiymətlərdən xəbəri olmayan şəxsləri burada aldatmaq daha asan olur. Bu səbəbdən də avtomobilini satmağa gətirən təcrübəli şəxslər bazara getməyi üstün tuturlar.

Avtomobil çox, alıcı yox..
Əvvəlki illərlə müqayisədə Badamdardakı maşın bazarında alıcılıq bir xeyli zəifdir. Həmişə müştərisi bol olan bazarda indi durğunluq yaşanır. Necə deyərlər, alıcıdan çox, satıcı var. Alverçilər də etiraf edir ki, bu durumun səbəbi maşınların bahalaşmasıdır.
Maşın alveri ilə məşğul olan Anar Rzayev avtomobillərin bahalaşmasının səbəbini idxalın azalması ilə əlaqələndirir: "Bildiyiniz kimi, ikinci əl avtomobillərin çoxu xaricdən gətirilirdi. Alverçilər ucuz olduğu üçün maşınları əsasən qonşu Gürcüstandan, Rusiyadan gətirirdilər. Sovet maşınları və "inomarka”lar idxal olunurdu. Ancaq ötən ildən başlayaraq avtomobil idxalı azaldı. Səbəb isə dolların kursunun tez-tez dəyişməsidir. Bununla yanaşı gömrük rüsumun artması da alverçiləri həvəsdən salır. Alverçilərin çəkdiyi zəhmətin xərci borcunu ödəmir. Əvvəllər bir maşından 1500 manat qazanc qalırdısa, indi 500 manat qalır. Mən də maşın alverindən uzaqlaşmışam. Ölkədaxili bazarlarda maşın alıb, satıram”.

Bazarda yenə də"Mercedes” liderdir
Badamdar bazarına ən çox gətirilən maşın alman istehsalı olan "Mercedes” markalı avtomobillərdir. Bazarın ən qaynar hissəsi də bu maşınların ətrafındadır. Alverçilər və müştərilər "Mercedes”lərə üstünlük verirlər. Bunun səbəbi isə həmin avtomobillərin dayanıqlı olması və bazara çıxarılarkən tez satılmasıdır.
Şəxsi avtomobilini satmağa gətirən sürücülərlə də söhbət etdik. Banka olan kredit borcuna görə maşınını satışa çıxaran Raqif Səmədov "Mercedes E 240” markalı avtomobilini təcili satmalı olduğunu, lakin 3 həftədir sata bilmədiyini dedi: "Artıq üçüncü bazardır ki avtomobili sata bilmirəm. Bu gün səhər tezdən gəlmişəm, cəmi 2-3 nəfər qiymətlə maraqlanıb. Ancaq real alıcı yoxdur. Motorun həcmi 240 sm, buraxılışı 2000-ci ildir. Qiymətini 10.800 manat deyirəm. Real müştəri olsa 10.000 manata da sataram. Problemsiz, qəza görməyən maşındır”.

Sovet maşınları "ölüb”... "Niva”lar isə istisnadır...
Bazarda çox az sayda Sovet istehsalı olan avtomobillər gözə dəyir. Ümumiyyətlə, Sovet maşınlarının "bazarı ölüb” desək, yanılmarıq. "Jiquli” markasından olan avtomobillərə ümumiyyətlə rast gəlinmir. Bunun isə iki əsas səbəbi var. Birincisi, Bakı əhalisi əsasən Avropa, Asiya istehsalı olan avtomobillərə üstünlük verir. İkincisi isə maşın alverçiləri Avropa və Asiya maşınlarından daha çox qazanc əldə edirlər.


Rusiya istehsalı olan maşınlar arasında yalnız "NİVA” markalı avtomobillər istisnadır. Bu markadan olan avtomobillərə adətən Bakıətrafı qəsəbələrdə və rayonlarda tələbat daha çoxdur.


"VAZ-2107” markalı avtomobilini satan Valeh Əliyev də bu durumdan gileylənir. Taksi sürücüsü işləyərək dolandığını deyən həmsöhbətim müştərilərin köhnə maşına minmədiyini deyir: "Bakıda taksi sürücüsü işləyirəm. Artıq sovet maşınına taksi kimi də minən yoxdur. Hamı "inomarka”lara qaçır. Bundan başqa, "VAZ-2107” markalı avtomobilləri polislər tez-tez saxlayıb, yoxlayırlar. Bu maşınlar "avtoş” maşını kimi tanındığı üçün maşının parametrlərini yoxlayırlar. Bir sözlə, tez-tez problem yaşayıram. Digər tərəfdən isə rahatlıq üçün bu avtomobillər sərfəli deyil. Müştəri isə yolu rahat getmək istəyir. Bunu bazarda satıb, üstünə də bir qədər qoyub "Opel Zafira” və ya "Mercedes E” seriasından almaq istəyirəm.


Avtomobil bazarında müxtəlif markadan olan avtomobillərin qiyməti ilə də maraqlandıq. Bakı Satış Mərkəzində bu günə olan avtomobillərin qiymətləri isə belədir:

2000-ci il "Mercedes c 200” - 7500-8000 AZN
2000-2001-ci il "Mercedes E 240” - 10.000-12.000 AZN
1999-2000 "Opel Astra” - 6000-7000 AZN
2011-ci il "WOLKSWAGEN” – "PASSAT” - 14.000-16.000 AZN
2009-cu il "Toyoto” "Prado” 27.000-29.000 AZN
2007-ci ilin "ML-320” - 25000 AZN
"HYUNDAİ - Elantra” 2010-cu il 18.000 AZN
2015-ci il "Toyoto” "Corolla” 35000 AZN
2014-cü il "DAEWO” "Gentra” 19.000 AZN
Qeyd edək ki, bu avtomobillər son 3 ay ərazində 10-15% bahalaşıb. Daha çox bahalaşmanın qarşısını alan amil isə bazarda alıcılığın zəif olmasıdır.

Qəpik də manat kimi milli pul vahidimizdir. Amma bu gün ölkəmizdə 1, 3, 5 qəpiklik kimi xırda metal pullara münasibət heç də birmənalı deyil.
Bu xırda qəpikləri iri supermarketlər şəbəkəsində, ictimai iaşə yerlərində, avto parklarda ödəniş kimi istifadə etmək istədikdə sanki xidmət göstərənləri təhqir edirsən. Çox zaman adamı borclu çıxarmağa da cəhd edirlər. Sanki xırda qəpik uzatmaqla günah bir iş görmüş olursan.
Yəni açıq şəkildə xırda qəpiklərə qarşı cəmiyyətdə sanki bir allergiya formalaşıb.
Bəs metal qəpiklərə bu cür hörmətsizliyin səbəbləri nədən qaynaqlanır?
"Xırda qəpiklərə hörmətsizlik edən cinayət məsuliyyətinə cəlb olunmalıdır"
Milli Məclisin Hüquq Siyasəti və dövlət quruculuğu komitəsinin üzvü, hüquqşünas deputat Tahir Kərimli açıqlamasında deyib ki, xırda qəpiklərə bu cür münasibət cinayət məsuliyyəti yaradır:
"Bu gün 3-5 qəpiklərin gündəlik həyatımızda istifadəsindən açıq şəkildə imtina edilməsi və buna birbaşa olaraq sahibkarların şərait yaratması açıq şəkildə cinayət faktıdır.
Belə hallara qarşı mübarizə aparılmalı və günahkarlar mütləq cinayət məsuliyyətinə cəlb olunmalıdırlar.
Həm Cinayət Məcəlləsində, həm də inzibati hüquqpozmalar qanununda Azərbaycan Respublikasının dövlət rəmzlərinə qarşı hörmətsizliyə görə cinayət məsuliyyəti nəzərdə tutulub.
Dövlət rəmzlərinə hörmətsizlik faktında cinayət tərkibi böyük olanda bu Cnayət Məcəlləsi ilə, xırda hüquqpozma olduqda isə inzibati hüquqpozmalar qanunu ilə tənzimlənir".
"Bu cür halları yaradan sahibkarlar cəzalandırılmaldır"
Deputat hesab edir ki, xırda qəpiklərin istifadəsinə maneə törədən sahibkarlara qarşı ciddi addımlar atılmaldır: "Bu sahədə xüsusi nəzarət orqanları var. Həmin orqanlar qəpiklərin istifadəsi ilə bağlı hüquqpozmaları şikayət olmazdan öncə araşdırmalıdır. Məsələn, avtoparklardakı aparatlarda, iri supermaketlər şəbəkəsində bu gün xırda 3-5 qəpiklərə hörmətsizlik daha çox nəzərə çarpır.
Bu sahibkarlıq subyektləri ciddi nəzarətə götürülməlidir. Axı nəyə görə pul qazandıqları halda dövlət atributuna qarşı bu cür hörmətsizlik edilməlidir?
Qəpik milli pul vahidi kimi dövlətin suverenliyinin əsasıdır. Qəpik də dövlətin bayrağı, gerbi, himni kimi qorunmalı və heç bir hörmətsizliyə məruz qalmamalıdır.
Milli pul vahidinə, qəpiklərə qarşı bu cür hörmətsizlik eyni zamanda ciddi şəkildə ictimai qınaq da yaratmalıdır. Amma təəssüf ki, bu cür ictimai qınaq hələ də azdır. Hamı gözəl bilir ki, bu gün iri super-marketlər şəbəkəsində və avtoparkların əksəriyyəti məmurların, hüquqi şəxslərindir.
İlk növbədə cinayət məsuliyyətinə hüquqi şəxslər cəlb olunmalıdır. Çünki bu gün hüquqi şəxslər barəsində maliyyə sanksiyaları daha çox olduğu üçün, onlar bu sanksiyalarla cinayət məsuliyyətinə cəlb edilməlidirlər".
"Xırda qəpiklər ləğv olunmalı deyil"
Milli.Az modern.az-a istinadən bildirir ki, Tahir Kərimli deyib ki, xırda qəpiklərin ləğv edilməsi səhv addım olar: "Mən sizin vasitənizlə deputat kimi buradan iqtisadi nəzarət orqanlarına səslənirəm ki, ölkədə xırda qəpik pullara qarşı hörmətsizliyin qarşısını alsınlar.
Rusiyada qəpiklərin bizimkindən orta hesabla 20-30 dəfə ucuz olmasına baxmayaraq, qəpikləri ləğv etməyi düşünmürlər.
Amma Azərbaycanda bəzən deyirlər ki, 3-5 qəpiklər ləğv olunsun. Axı niyə ləğv olunmalıdır? Hansısa işbazlar, sui-istifadəçilər xırda qəpiklərdən istifadə etmir deyə, milli valyuta da ləğv olunmalıdır ? Xeyr, belə bir şey ola bilməz.
Əksinə, qəpiklərdə maliyyə qiymətləndirmələri düzgün aparılmaldır. Bəs nəyə görə hökumət bu qəpikləri tədavülə buraxıb? Bu qəpiklər nəyə görə maliyyə və digər qanunvericilik aktlarına salınıb? Deməli, ləğv olunmalı deyil.
Rusiya, Türkiyə, Gürcüstanda xırda qəpiklərdən heç bir problem olmadan istifadə olunursa, deməli, bizdə də mümkündür.
Bu məsələ mütləq Milli Məclisdə ciddi şəkildə qaldırılmalıdır. Qəpiklərə qarşı bu cür hörmətsizlik parlamentin komitə və plenar iclaslarında da müzakirəyə çıxarılmalıdır. Çünki pula hörmətsizlik heç vaxt başucalığı gətirməyəcək".