Dilarə Kazımova: Həyatınızda xoşbəxtlik sözünün "X" hərfi belə yoxdur

Estrada müğənnisi Dilarə Kazımova başqalarının şəxsi həyatına müdaxilə edənləri bədbəxt adlandırıb.

BAKU.WSxəbər verir ki, Uzun iilərdir sənətdə olmasına baxmayaraq, bir neçə ay əvvəl açıq-saçıq fotoları ilə məşhurlaşan ifaçı geyimlərinə görə onu tənqid edənlərə belə cavab verib:

"Erotikanı həyasızlıqdan, cazibədarlığı vulqarlıqdan, sənəti isə baltadan ayıra bilməyənlər, yan keçən küləklə bye-bye! Anlayıram ki, həyatınızda xoşbəxtlik sözünün "X" hərfi belə də yoxdu, amma onu elə boz qapılarının arxasında saxlayın. İnsanların rənglərlə dolu həyatına onsuz da "bozluq" qatmaq mümkün olmayacaq.

Amma adekvat və səmimi insanlar, adekvat bəyənənlər və bəyənmiyənlər, sənətimi, sənətimdə atdığım hər addımı, səsimi, şəkillərimi müzakirə etməyə hər zaman hazıram! Məni sevənlər ordusunun gündən-günə işıq sürətilə çoxalmasını görürəm və buna sözsüz xoşbəxtəm! Öz tərəfimdən isə söyləmək istəyirəm, sizin hamınızı çox istəyirəm!"