DataLife Engine / Sosial şəbəkədən imtina psixi sağlamlığı yaxşılaşdırır - ARAŞDIRMA

Sosial şəbəkədən imtina psixi sağlamlığı yaxşılaşdırır - ARAŞDIRMA



Bata Universitetindən bir qrup elm adamı bir həftəlik sosial media fasiləsinin psixi sağlamlığa təsirlərini araşdırıb.
Lent.az-ın xarici mediaya istinadla məlumatına görə, araşdırmanın nəticələri göstərir ki, sosial mediasız cəmi bir həftə qalmaq insanların ümumi rifahını yaxşılaşdırır, həmçinin depressiya və narahatlıq əlamətlərini azaldır.
Araşdırma üçün, tədqiqatçılar təsadüfi olaraq hər gün sosial mediadan istifadə edən 18-72 yaş arası 154 nəfəri bir qrupda birləşdiriblər. Burada onlardan bir həftə ərzində bütün sosial mediadan istifadəni dayandırmaları istənilib. Digər qrupdakılar isəsosial mediaya baxmağa davam ediblər. Tədqiqatın əvvəlində narahatlıq, depressiya və rifahın əsas göstəriciləri əldə edilib.
İştirakçılar araşdırmanın əvvəlində həftədə orta hesabla 8 saat sosial mediada vaxt keçirdiklərini bildiriblər. Bir həftədən sonra həftəlik fasilə götürmək istənən iştirakçılar, sosial mediadan istifadəyə davam edənlərlə müqayisədə rifah, depressiya və narahatlıqda əhəmiyyətli bir yaxşılaşma hiss ediblər.
Bir həftəlik fasilə verməsi istənən iştirakçılar sosial mediadan orta hesabla 21 dəqiqə istifadə etdiklərini, nəzarət qrupunda isə yeddi saat olduqlarını bildiriblər. İştirakçıların fasiləni müşahidə etdiyini yoxlamaq üçün ekrandan istifadə statistikası təqdim edilib.
"Əlbəttə, sosial media həyatın bir hissəsidir və bir çox insanlar üçün bu, kim olduqlarının və digər insanlarla necə qarşılıqlı əlaqədə olduqlarının ayrılmaz hissəsidir. Ancaq həftədə bir neçə saatı buna sərf edirsinizsə və bunun sizə mənfi təsir etdiyini hiss edirsinizsə, bunu azaltmağa və kömək edib-etmədiyini görməyə kömək ola bilər", - Bat Departamentinin Sağlamlıq İdarəsinin aparıcı tədqiqatçısı Ceff Lambert deyib.
Alimlər qısa bir fasilənin müxtəlif populyasiyalara (məsələn, gənc, yaxud fiziki və ruhi xəstəlikləri olan insanlar) kömək edə biləcəyini öyrənmək üçün araşdırmalarını davam etdirmək istəyirlər.

18-09-2022, 19:24
Вернуться назад