Qış fəslinin Azərbaycana gəlmə vaxtı məlum olub.

Azərbaycan Milli Elmlər Akademiyası (AMEA) Nəsrəddin Tusi adına Şamaxı Astrofizika Rəsədxanasından MAY.AZ-a bildirilib ki, ölkəmizə qış fəsli dekabrın 22-si saat 08:19-da qədəm qoyacaq.

Bu zaman Günəş üfüqdən ən minimum nöqtədə olur. Günəş şüalarının istiqaməti ilə yerin fırlanma oxu ən böyük bucaq əmələ gətirir.

Ona görə də bu fəsildə soyuqlar müşahidə olunur. Həmin gün ən uzun gecə, ən qısa gündüz qeydə alınır.

Kənd Təsərrüfatı Nazirliyinin tabeliyində olan “Aqrar Tədarük və Təchizat” (ATT) ASC-nin İdarə Heyətinin üzvü Sərxan Sərxanov və qurumun digər vəzifəli şəxsləri Kürdəmir və Yevlax rayonlarında yerli fermerlərlə görüş keçirib.

Bu barədə Kənd Təsərrüfatı Nazirliyindən BiG.AZ-a daxil olan məlumata görə, Rayon Dövlət Aqrar İnkişaf Mərkəzlərində (DAİM) baş tutan görüşlərdə fermerlərə ATT-nin fəaliyyəti və həyata keçirilən layihələr barədə məlumat verilib, onların problemləri dinlənilib.

Görüşdə çıxış edən Sərxan Sərxanov ATT-nin fəaliyyəti barədə məlumat verib fermerləri əməkdaşlığa və həyata keçirilən layihələrdə aktiv iştiraka dəvət edib:“ATT-nin əsas vəzifəsi insanlarımızı təhlükəsiz qida ilə təmin etməkdir. Bu vəzifəni sizin dəstəyiniz olmadan həyata keçirə bilmərik. Eləcə də siz bizim dəstəyimizlə təsərrüfatınızı inkişaf etdirə, daha çox məhsul yetişdirə və gəlirlərinizi artıra bilərsiniz. Hər birinizi birgə əməkdaşlığa dəvət edirəm. Sizinlə olan əməkdaşlığımız nəticəsində bu gün biz çoxlu sayda dövlət qurumlarının və özəl müəssisələrin qida təchizatını həyata keçiririk. Təchizat prosesi dövlət vəsaiti ilə birbaşa siz fermerlərdən tədarük edilən kənd təsərrüfatı və qida məhsulları hesabına baş tutur”. Sərxan Sərxanov çıxışında ATT-nin həyata keçirdiyi layihələrə və Yeni il bayramı ilə əlaqədar təşkil olunacaq bayram yarmarkasına da toxunub: “Biz hal-hazırda sizə alternativ satış kanalları və əlavə gəlir qazandırmaq üçün “Kənddən Şəhərə”, “Şəhərdən Kəndə” və AFAQ layihələrini həyata keçiririk.

“Kənddən Şəhərə” layihəsinə qoşulmaqla siz Bakıda hər həftəsonu təşkil olunan yarmarkalarda ödənişsiz iştirak edə və satış mərkəzlərimizdə öz məhsullarınızı paytaxt sakinlərinə təqdim edə bilərsiniz. Qeyd edim ki, 21-30 dekabr tarixlərində isə Bakının 5 müxtəlif nöqtəsində “Kənddən Şəhərə” bayram yarmarkası təşkil olunacaq. Hər birinizi bu yarmarkalarda iştiraka dəvət edirəm. “Şəhərdən Kəndə” aqroekoturizm layihəsi isə sizə təsərrüfatınızda yerli və xarici turistləri qəbul etməklə əlavə gəlir qazandıracaq. AFAQ isə qadınları dəstəkləyən bir layihədir. Biz istəyirik ki, aqrar sahədə fəaliyyət göstərən qadınların sayı daha çox, problemləri isə daha az olsun”.

Sonda isə Sərxan Sərxanov Elektron Kənd Təsərrüfatı İnformasiya Sistemindən (EKTİS) bəhs edib, fermerləri yeni sistemdə təsərrüfatlarına dair məlumatları bəyan etməyə səsləyib.

"Xəzər” Televiziyasında rəhbərliyin dəyişdirilməsi və təhvil-təslim işlərinə start verilib.

MAY.AZ konkret.az-a istinadla xəbər verir ki, artıq kanala yeni müavin də təsdiq edilib. Telekanalın rəhbəri Şamxal Həsənovun isə tezliklə işdən kənarlaşdırılacağı deyilir. "Xəzər”TV-də artıq təhvil-təslim işlərinə də start verilib və bəzi əşyaların daşınmasına başlanılıb.

Qeyd edək ki, Şamxal Həsənov Prezident Administrasiyasının ictimai-siyasi şöbəsinin keçmiş müdiri Əli Həsənovun oğludur.

Azərbaycanda bazar gününə olan hava proqnozu açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən BiG.AZ-a verilən məlumata görə, dekabrın 8-də Bakıda və Abşeron yarımadasında havanın dəyişkən buludlu olacağı, arabir tutulacağı, axşama doğru bəzi yerlərdə yağış yağacağı gözlənilir.

Səhər bəzi yerlərdə zəif duman olacaq, cənub-qərb küləyi əsəcək.

Havanın temperaturu Abşeronda gecə 5-7° isti, gündüz 9-12° isti, Bakıda gecə 5-7°, gündüz 9-11° isti olacaq.

Atmosfer təzyiqi normadan yüksək 769 mm civə sütunu təşkil edəcək. Nisbi rütubət gecə 70-80%, gündüz 50-55% olacaq.

Tibbi-meteoroloji proqnoz dekabrın 8-də Abşeron yarımadasında meteoroloji amillərin zəif tərəddüdü meteohəssas insanlar üçün, əsasən, əlverişlidir.

Azərbaycanın rayonlarında sabah hava, əsasən, yağmursuz keçəcək, lakin axşam bəzi yerlərdə yağış yağacağı gözlənilir. Ayrı-ayrı yerlərdə intensiv olacağı, dağlıq ərazilərdə qar yağacağı ehtimalı var. Arabir duman olacaq. Qərb küləyi əsəcək.

Havanın temperaturu gecə 1-5° isti, gündüz 7-12° isti, dağlarda gecə 2-7° şaxta, gündüz 0-4° isti olacaq.

ETSN xəbərdarlıq edib ki, Bakıda və Abşeron yarımadasında dekabrın 8-də axşam, 9-da arabir yağış yağacağı gözlənilir. Bəzi yerlərdə intensivləşəcəyi ehtimalı var.

Şimal-qərb küləyi dekabrın 9-da arabir güclənəcək.

Azərbaycanın rayonlarında dekabrın 8-də axşam, 9-da, əsasən, şimal və şərq rayonlarında havanın yağıntılı olacağı, dağlıq ərazilərdə qar yağacağı gözlənilir. Bəzi yerlərdə intensivləşəcəyi ehtimalı var. Qərb küləyi dekabrın 9-da ayrı-ayrı yerlərdə arabir güclənəcək.

Dağlıq rayonlarda gecə saatlarında yolların buz bağlama ehtimalı var.

"Tək qadın üçün övlad böyütmək çətindir. Həm də işləyən xanımam. Evin həm kişisi, həm xanımı oluram. Bütün yük çiynimdədir. Eyni zamanda da çalışıram övladımı doğru-düzgün böyüdüm".

Axşam.az xəbər verir ki, bu sözləri Xalq artisti Məleykə Əsədova "Səhər-səhər" verilişində deyib. Aktrisa baxım sirlərini bölüşüb. Əsədova bildirib ki, burnundan başqa heç bir yerində plastik müdaxilə etdirməyib:

"Hər şeyim özümündür. Bircə burnum əməliyyatdır. Dərimə qulluq edirəm. Xaricə gedəndə, ancaq maskalar alıram. Salona getməyə vaxtım olmayanda, evdə üzümə qulluq edirəm.

Saçlarım qoymadır. Amma yay olanda çıxardıram. Saç qadını eleqant göstərir. Əvvəl uzun saçlarım var idi. Rəng, kəsim onları məhv etdi".

Bakıda quldurluq hadisəsi baş verib.

MAY.AZ publika.az-a istinadən xəbər verir ki, Xətai RPİ-nin 34-cü Polis Şöbəsinə müraciət edən Ağsu rayon sakini İ.Şirəliyev dekabrın 5-də idarə etdiyi “Mercedes” markalı avtomobilə sərnişin qismində minən şəxsin onu bıçaqla hədələyib içərisində 100 manat olan pulqabısını aldığını və Yasamal rayonu ərazisində yerləşən “Qələbə” dairəsinin yaxınlığına sürdürərək orada düşərək getdiyini bildirib.

Bakı ŞBPİ-nin Cinayət Axtarışı İdarəsi və 34-cü PŞ əməkdaşlarının birgə keçirdikləri əməliyyat-axtarış tədbirləri nəticəsində quldurluğu törətməkdə şübhəli bilinən İmişli rayon sakini O.Salamzadə qısa müddətdə müəyyən edilərək saxlanılıb.

Araşdırma aparılır.

“Kim deyir ki, kənara çəkilmişəm?! Əsla, gənclərə bir az yol vermək lazımdır. İşlərim çoxdur. Hər zamanki kimi üzərimdə çalışıram”.

Bu sözləri BiG.AZ-a açıqlamasında xalq artisti Faiq Ağayev deyib.

“Parlament buraxıldı və fevralın 9-na seçki təyin olundu. Namizədliyinizi irəli sürəcəksinizmi” sualına müğənni belə cavab verib: “Məni orada görmək istəyənlər var. Fevralın 9-da seçkilər olacaq. Yəni ki, yanvar ayından kimin namizədliyini verəcəyi bəlli olacaq. Gəlin o zamanı gözləyək”.

Faiq Ağayev “Xalq artisti Afaq Bəşirqızının millət vəkili seçilməsinə razısınızmı?” sualına “Azərbaycanda 18 yaşına çatmış hər bir vətəndaş namizədliyini irəli sürə bilər. O cümlədən Azərbaycan mədəniyyətinə çox böyük töhvələr etmiş Afaq Bəşirqızı. Mən inanıram ki, millət vəkilliyinə namizədliyini versə, onun arxasında çoxlu azərbaycanlı olacaq”deyə cavab verib.

Xalq artisti “Siz millət vəklili seçilsəniz bu sahədə hansı dəyişiklikləri edəcəksiniz?” sualına “Mən etmədiyim, olmadığım yerdən xəbər verə bilmərəm” deyib.

Faiq Ağayev yaxın günlərdə xalq artisti fəxri adına layiq görülən Röya Ayxan və Miri Yusifi də təbrik etdiyini açıqlayıb: “Hər ikisini təbrik elədim. Fərmənadan bir-iki gün sonra tədbirlərin birində görüşdük. Bu adı ölkə başçısı verir. Ona görə də onu müzakirə etmək düzgün deyil”.

Rəqqasə Fatimə Fətəliyeva son günlər ətrafında baş verən qalmaqallara münasibət bildirib.

MAY.AZ axşam.az-a istinadən bildirir ki, sənətçi sosial şəbəkədə etdiyi paylaşımlarda heç bir sənət adamına söz atmadığını bildirib:

"Ürəyimdən keçən sözü yazıram, kiməsə ünvanlamıram. Həyatım tək şou-biznesdən ibarət deyil. Mənim ailəm, biznesim, işçilərim var. Mənim kiməsə cavab verməyə vaxtım yoxdur. O, Fatimə qaldı keçmişdə. Sizin qarşınızda dayanan və danışan başqadır. Ətrafıma hörgü hördüm, heç kim mənə toxuna, qıcıqlandıra bilməz.

Medianı çox istəyirəm, hörmətinizi hörmətlə qarşılamışam".

“Mahnılarımın milyonlarla izlənilməsi mənim üçün önəmli deyil. Heç gözləmirəm də. Son 20-30 il ərzində səsləndirilən mahnıların içərisindən onunu seçib ifa etmişik. İnanıram ki, yaxşı nəticə verəcək”.

Bu sözləri Axşam.az-ın suallarını cavablandıran Əməkdar artist Lalə Məmmədova yeni musiqi layihəsi barədə danışarkən deyib.

O, son zamanlar tez-tez görüntüsünü dəyişməsi barədə də söz açıb:

“ Çox sevinirəm ki, Lalə olaraq bu obrazları özümə yaraşdıra və daşıya bilirəm. Bu gün qarşınızda olan içimdəki Lalədir - inamlı və güvənli. Artıq ətrafa da işıq saça bilirəm. Depressiyada deyiləm. Ola da bilməz. Buna haqqım yoxdur, çünki iki övlad böyüdürəm”.

Müğənni övladları ilə iş çoxluğundan az vaxt keçirdiyini dilə gətirib:

“Bacardığım qədər uşaqlarıma vaxt ayırıram. Amma iş-güc adamıyam. Tam istədiyim qədər maraqlana bilmirəm”.

L.Məmmədova ev probleminin hələ də həll olunmadığını söyləyib:

“Ev problemimiz həll olunmayıb. Valideynlərimlə yaşayıram. Yenə də ümid kəsilməz. Yəqin ki, günün birində evim olacaq”.

Vaxtilə fantastik görünən bir çox layihələr tədricən həyata keçir. İnsanın əsas arzularından biri olan uçan maşın artıq reallığa çevrilib: Artıq quruda və göydə məsafələr qət edən avtomobil satışa çıxır.

Dünyanın ilk uçan və idarə olunan avtomobili ABŞ-ın Florida ştatında Mayami şəhərində debüt edəcək. Bu uçan aparat “Pioneer Personal Air Landing Vehicle” və ya “PAL-V” adını alıb. O, geri çəkilə bilən üst və arxa pərvanələrlə təchiz olunub və 12.500 fut (3.81 kilometr) hündürlükdə uça bilər.

Yanacaq kimi avtomobil benzinindən istifadə olunur. Bu texnologiya möcüzəsi havada saatda 321 km, yerdə isə 160 km sürət yığa bilir.

Hollandiya istehsalı maşın artıq istehsaldadır və 599 min ABŞ dollarına satılır. Şirkət artıq əvvəlcədən 70 sifariş aldığını bildirib. Avtomobilin ilk tədarükü 2021-ci il üçün gözlənilir.

Sonuncu dəfə "Cəsur və gözəl" serialında rol alan Tuba Büyüküstün "Netflix"lə müqavilə bağlayıb.

MAY.AZ xəbər verir ki, məşhur aktrisa "Camdaki kız" romanının motivləri əsasında lentə alınacaq ekran işində yer alıb.

Layihənin çəkilişləri bir neçə həftə sonra start götürəcək.

Qeyd edək ki, ən çox satılanlar siyahısında yer alan "Camdakı kız" romanının müəllifi Gülseren Budayıcıoğludur.

“Mançester Yunayted”in əfsanəvi futbolçusu Rayan Giqqz Uels millisini də uğura doğru aparır. Ancaq bir neçə il əvvəl etdiyi səhv onu rahat buraxmır.

BiG.AZ qol.az-a istinadən xəbər verir ki, 46 yaşlı çalışdırıcının qardaşı Rodri Giqqsin illər sonra verdiyi açıqlama Britaniya, eləcə də dünya mətbuatında gündəmi zəbt edib.

Rodri qardaşının ona həyat yoldaşı ilə xəyanət etməsi ilə bağlı ilk dəfə mətbuata danışıb. O, bu hadisədən sonra qardaşı ilə küsülü olduğunu deyib.

Rodri anasının da Rayanın tərəfini tutduğunu və onunla danışmadığını bildirib:

“Çünki mənim 35 medalım yoxdur, “Mançester Yunayted”də 20 il oynamamışam və böyük bir evə sahib deyiləm. Sanki xəyanəti mən eləmişəm. 3 uşağım var. Biri 3, digəri 5 yaşından anamla danışmır. O biri 7-8 ildir anamı görmür. Ailəmdən heç kimlə danışmıram. Amma hamısı Rayan ilə danışırlar. Onlar Uelsdə yaşayır, Rayanın hesabına gözəl həyat sürürlər. Onların sevdiyi budur”.

Həyat yoldaşı Nataşa ilə qardaşının arasında yaşananları atasından öyrəndiyini deyən Rodri həmin gündən bir gün əvvəl Nataşanın uşaqlarını da götürüb, İspaniyaya getdiyini deyib.

Rodri ilə Nataşa 2010-cu ildə evlənib. Məlum hadisəyə görə 2013-cü ildə ayrılıblar.

Rayan Giqqs isə 2017-ci ildə həyat yoldaşı ilə boşanıb.

Xatırladaq ki, R.Giqqsin atası Denni Uilson da ötən il oğlu haqda şok açıqlamalar vermişdi. O, qardaşının arvadı ilə 8 il eşq məcarası yaşayan oğlunu ləyaqətsiz adlandırmışdı.