"Cənnət meyvəsi" olan narın inanılmaz faydaları

Hazırda bazarlarda ən çox satılan meyvələrdən biri nardır.
MAY.AZ oxuculara bu meyvənin inanılmaz faydaları faydaları haqqında məlumat vermək istəyir.
Təbabət aləmində narın meyvəsi, şirəsi, qabığı, tumu, çiçəyi, kökü 30-a yaxın xəstəliyin əlacında türkəçarə kimi istifadə olunur. Narın tərkibi fosfor, kalium, kalsium elementləri və C, B1, B2 vitaminləri ilə zəngindir. Təkcə nar şirəsini gündəlik içmək və ya meyvəsini yemək mədə-bağırsaq, həzm sistemi, ürək çatışmazlığı, revmatizm, babasil və şəkər xəstəliyi üçün faydalıdır.
Bu meyvə immunitet sistemini gücləndirir. Qandakı xolesterol nisbətini və təzyiqi azaldır. Damarları açır, ürək və damar xəstəliklərinə qarşı qoruyucu təsir göstərir.
Nar, həmçinin, deri sağlamlığı üçün də çox faydalıdır. Bədənə enerji verir, yorğunluğu aradan qaldırır, xərçəngə qarşı bədəni qoruyur.
Mədə iltihabı və ağız yarası üçün faydalıdır.
Nar şirəsi səsi açır. Narın pərdəsi həzmi asanlaşdırır, qabıği isə ishalı kəsir.
Qeyd edək ki, yetişdiyi məkandan asılı olmayaraq nar "cənnət meyvəsi", ağacı "həyat ağacı", şirəsi isə "sevgi içkisi" adlandırılır. Odur ki, öz vaxtında nardan yeməklə sevginizi və səhhətinizi qoruyun.