"Nikosayağı" qəzaya düşdüyü avtomobilinin nömrəsini fantastik qiymətə SATIŞA ÇIXARDI

Nikosayağı" kimi tanınan bloqer Nicat Şakirli qəzaya düşdüyü "Porsche" markalı avtomobilinin nömrəsini satışa çıxarıb.

Oxu.Az xəbər verir ki, 10-GR-005 dövlət qeydiyyat nişanlı maşın 10 min dollara (17 min manata) təklif olunur.

Qeyd edək ki, bir müddət əvvəl isə avtomobil ehtiyat hissələrinə bölünərək ayrı-ayrılıqda satılıb.

Xatırladaq ki, ötən ilin avqustunda N.Şakirli idarə etdiyi "Porsche" markalı avtomobillə yük maşınına çırpılıb. Qəza nəticəsində avtomobildə olan bloqerin dostu Ruslan Məmmədov vəfat edib. N.Şakirli isə ağır xəsarət alıb - onun sağ qolu dirsəkdən amputasiya olunub.