MAY.AZ istirahət gününün - 06.05.2018 tarixinin ulduz falını təqdim edir:

QOÇ – Bacardığınız qədər günü təmkinlə yola salın. Başqalarının şəxsi işlərinə müdaxilə etməyin. Daha çox adi işlərin həlli ilə məşğul olun. İstirahət günü özünüzü çox yormayın, sabah həftənin başlanğıcıdır.

BUĞA – Dincəli, bu gözəl gündə bütün gücünüzü beyninizi artıq yüklərdən təmizləməyə həsr edin. Paralel iş və münasibətlər sizi bərk yorduğu üçün bir qədər təcrid olunun. İşdə özünüzü çox da yormayın.

ƏKİZLƏR – Ümumiyyətlə düşərli gündür. Əvvəlki günlərin gərginliyindən əsər-əlamət qalmayacaq. Enerji toplamaq üçün istirahət günündən maksimum istifadə edin.

XƏRÇƏNG – Emosiyalarınıza hakim ola bilsəniz, günü mübahisəsiz başa vuracaqsız. Dəyərsiz şeylər barədə düşünüb enerjinizi azaltmayın. Etibarlı dostların və pulun köməyilə istədiyinizi əldə edə biləcəksiz.

ŞİR – Heç nə mümkünsüz deyil. Ümidsizliyinizi və tənbəlliyinizi bir kənara atıb mücadilə edin. Güvəndiyiniz insanlrın məsləhətlərindən yararlanmaqla hər şeyə nail ola bilərsiniz.

QIZ – Təzadlı gündür. Planlarınızı günün ikinci yarısına saxlayın. Uğur yalnız bu zaman üzünüzə güləcək. O vaxta qədərsə ənənəvi fəaliyyətlə məşğul olun.

TƏRƏZİ – Maraqlı gündür. İstər qarşılıqlı münasibətlərdə, istərsə də fəaliyyət müstəvisində sizi qane edən proseslərlə rastlaşacaqsınız. Səfərləri birgünlük təxirə salın.

ƏQRƏB – Əsrarəngiz bir gün yaşadacaq. Hər kəslə mülayim və ədalət çərçivəsində davranın ki, rəğbət qazanasınız. Səfərə çıxmaq uğurlu olsa da, axşam saatlarında diqqətli olun.

OXATAN – İstirahət günü olsa da, işlərin çoxluğu sizi dincəlməyə qoymayacaq. İşgüzar danışıqlar yaxın bir ilin perspektivlərinə birbaşa təsir göstərəcək. Hər bir danışıq detalına xüsusi diqqət yetirin.

OĞLAQ – Bu gündən pis heç nə gözləməyin. Keçmişi xatırlayıb üzülməkdənsə, gələcəyi özünüzə dərd etməkdənsə anı yaşayın. Dünən artıq yoxdur, sabahın bizim üçün açılacağı isə mücərrəddir. Günü doya-doya yaşamağı öyrənin.

SUTÖKƏN – Günün ilk yarısı gərginlik vəd edir. Gün ərzində rastlaşdığınız hadisələr təsirsiz ötüşməyəcək. Hər şeyi ürəyinizə yaxın buraxmayın, həyat əbədi deyil.

BALIQLAR – Ünsiyyətdə olduğunuz insanlarla mehriban olun. Hər kəsi ittiham etmək lazım deyil. Bu gün həqiqətə söykənmək, bağışlamaq çox gözəl olar. Sevgiklərinizə yönəltdiyiniz sevgidən özünüz də enerji alacaqsız.