Gələn il keçiriləcək klublararası dünya çempionatının püşkatma mərasiminin tarix bəlli olub.

Oxu.Az xəbər verir ki, Beynəlxalq Futbol Federasiyaları Assosiasiyası (FIFA) püşkatmanın dekabrın 5-də təşkil olunacağını açıqlayıb.

ABŞ-nin Mayami şəhərində keçiriləcək mərasimdə 32 komanda səkkiz qrupda yer alacaq. Final mərhələsinin oyunları gələn il iyunun 15-dən iyulun 13-nə kimi davam edəcək.

Qeyd edək ki, dünya çempionatına ABŞ-nin Nyu-Cersi, Şarlott, Sinsinnati, Los-Anceles, Mayami, Neşvill, Orlando, Filadelfiya, Siettl, Vaşinqton və Atalanta şəhərləri ev sahibliyi edəcəklər.