Vətən müharibəsinin 42-ci günü: 16 kənd işğaldan azad edilir

2020-ci il noyabrın yeddisi, bizi torpaqlarımızın azadlığına aparan Vətən müharibəsinin qırx ikinci günü. Oxu.Az xatırladır ki, Qarabağın açarı Şuşa uğrunda şiddətli döyüşlər gedir. Prezident İlham Əliyev "X" hesabında xalqa növbəti müjdəni verir: "Müzəffər Azərbaycan Ordusu Füzuli rayonunun Yuxarı Veysəlli, Yuxarı Seyidəhmədli, Qorqan, Üçüncü Mahmudlu, Qacar, Divanalılar, Cəbrayılın Yuxarı Məzrə, Yanarxac, Qubadlının Qəzyan, Balasoltanlı, Mərdanlı, Zəngilanın Beşdəli, Xocalının Qarabulaq, Moşxmaat, Xocavəndin Ataqut, Tsakuri kəndlərini işğaldan azad edilib. Eşq olsun Azərbaycan Ordusuna! Qarabağ Azərbaycandır!" Elə həmin gün Qarabağda savaş başlayandan etibarən Azərbaycana mənəvi-siyasi dəstəyini əsirgəməyən Türkiyə Prezidenti Rəcəb Tayyib Ərdoğan yerli ictimaiyyətə müraciətində müharibənin gedişindən danışır və Azərbaycanın zəfərə yaxınlaşdığını diqqətə çatdırır: "Bu səhər İlham Əliyev qardaşımla danışdım, hazırkı vəziyyətlə bağlı məlumatı birbaşa ondan