"Qızlar"la məşhurlaşan "Toylar kralı": Səməd Səmədovun doğum günüdür

Sentyabrın 17-si estradamızın sevilən müğənnisi Səməd Səmədovun doğum günüdür. Oxu.Az xatırladır ki, Səməd Səmədov 1946-cı ildə Aşqabadda anadan olub. 1948-ci ildə baş verən zəlzələdən sonra ailəsi ilə birlikdə Bakıya, İçərişəhərə köçüb. Bülbül adına musiqi məktəbinin skripka sinfini bitirdikdən sonra A.Zeynallı adına musiqi məktəbinin nəzəriyyə sinfinə daxil olub. 1988-ci ildən Səməd Səmədov toylarda çıxış etməyə başlayıb. O, 1992-ci ildə Eldar Mansurovun Piruz Dilənçinin "Qızlar" adlı şeirinə bəstələdiyi mahnını ifa etdikdən sonra populyarlıq qazanıb. 2000-ci ildə əhali arasında aparılan sorğunun nəticələrinə görə, Səməd Səmədov ən populyar toy müğənnisi olub. "Toylar kralı" adını isə Səməd Səmədova Azərbaycan estradasının korifeyi Mirzə Babayev verib. 2001-ci il sentyabrın 17-də Eldar Bağırbəyovun baş prodüseri olduğu "Ulduzlar Bağı"nda Səməd Səmədovun ulduzu qoyulub. O, müstəqil "Qrant" Milli İctimai Mükafatının ikiqat sahibi, 150 müxtəlif