Türkiyənin "Beşiktaş" klubu "Auqsburq"un futbolçusu Feliks Uduoxayı heyətinə qatıb.

Oxu.Az xəbər verir ki, futbolçu "qara qartallar"la birillik icarə əsasında oynayacaq.

26 yaşlı müdafiəçi ötən mövsüm "Auqsburq" forması ilə çıxdığı 33 matçda iki qolla yadda qalıb.

Qeyd edək ki, Feliks Uduoxay 2020-ci ildə "Volfsburq" klubundan yeddi milyon avro qarşılığında "Auqsburq"a transfer olunmuşdu.