Bakının Lökbatan qəsəbəsində yerləşən "Meyvəli bazarı"na şort geyinən kişilərin girişi qadağan olunub. Bazarda geyim qadağası qoyula bilər?
Bununla bağlı Sonxeber.az-a açıqlama verən hüquqşünas Hüseyn İsmayılov bildirib ki şəxsi mülkiyyətdə olan yerlərdə sahibkar müəyyən qadağalar qoya bilər:
"Əslində qanunvericilikdə ictimai yerlərdə geyimlə bağlı hər hansı qadağa yoxdur. Əsas olan budur ki, əxlaq qaydalarına, ictimai mənafeyə zidd olmasın. Özəl müəssisələrdə qadağa tətbiq oluna bilər. Şəxsi mülkiyyətdə olan yer, məsələn, restoran dress kod müəyyən edə bilər ki, bu restorana ancaq kostyumla gəlmək olar. Bu mülkiyyətçinin iradəsindən asılıdır".