"Titanik"in qəzaya uğraması ilə bağlı şok detallar üzə çıxdı

Dövrünün böyük layneri olan "Titanik"in qəzaya uğramasına yanacaq anbarında baş vermiş yanğın səbəb ola bilər. "Report" xəbər verir ki, bu barədə 30 il gəminin tarixini araşdırmaqla məşğul olmuş britaniyalı jurnalist Şenan Moloniyə istinadən "The Independent" qəzeti yazıb. Moloninin iddiasına görə, göyərtədə yanğın gəmi Sautqempton şəhərindən (İngiltərə) çıxmamış baş verib və bir neçə həftə ərzində onu söndürmək cəhdləri uğursuzluqla nəticələnib. Bu müddət ərzində laynerin örtüsü qızıb. Məhz buna görə aysberqlə toqquşma faciəyə gətirib çıxarıb və belə acınacaqlı sonluqla bitib. "The Independent" yazır ki, jurnalist "Titanik" səyahətə çıxmamışdan əvvəl çəkilən şəkilləri təhlil etməyə müvəffəq olub. Tədqiqatçı aysberqlə toqquşmadan sonra gəminin zədələndiyi həmin örtü hissəsində his izləri aşkar edib. Mütəxəssislər his yerlərinin böyük ehtimal ki, laynerin yanacaq anbarlarından birində baş verən yanğın nəticəsində əmələ gəldiyini