Amerikalı müğənni Uitni Hyustonun ən məşhur hitlərindən olan və "Cangüdən" ("The Bodyguard" -1992) filminin "soundtrack"inə çevrilən "I Will Always Love You" mahnısını ifa etmək ilk öncə müğənni Patti Labelə təklif olunub.
MAY.AZ-ın life.ru-ya istinadən verdiyi xəbərə görə, bu barədə "E! News" nəşri yazır.
"Dolli Parton ( "I Will Always Love You"-nu yazan müğənni) "Cangüdən" filminin çəkilişindən öncə mənə bu mahnını ifa etməyi təklif etmişdi. Mən ona bu mahnını oxumağı çox istədiyimi bildirdim", - deyə Label danışıb.
Lakin müğənninin planı baş tutmayıb və Patti təklifi rəsmi olaraq qəbul etmədən öncə mahnı filmin "soundtrack"inə daxil edilib.
Beləliklə, 1992-ci ildə çəkilən filmdə əsas rolu ifa edən Uitni Hyuston bu hit ilə məşhurlaşıb.
Label hazırda arzusunu həyata keçirmək niyyətindədir və öz şousunda "I Will Always Love You"-nu oxuyacağına söz verib.
