Pandemiyadan sonra qiymətlərdə müəyyən bahalaşmaların olacağı gözlənilir. Bəzi ekspertlər də payızda dolların qiymətinin yenidən bahalaşacağı ilə bağlı fikirlər səslənidirir. Payızada dolların qiyməti bahalaşacaq?

MAY.AZ xəbər verir ki, bununla bağlı Sonxeber.az-a danışan iqtisadçı ekspert Akif Nəsirli bildirib ki, dünyada dolların qiymətində ucuzlaşma müşahidə olunur:
"Bunun da müəyyən səbəbləri var. Azərbaycan manatının qiyməti dövlət tərəfindən tənzimlənir. Yəni üzən məzənnə və bazar qiyməti ilə müəyyən olunmur. Yəni Azərbaycan valyutası konfertləşən deyil.

Ölkəmizdə valyuta dövlət tərəfindən tənzimlənir. Ona görə də dolların qiymətinin ucuzlaşması və bahalaşması ilə bağlı qərar Azərbaycan dövlətindən asılıdır. Təbii ki, dövlətin qərarına təsir edən məqamlar var.

Əgər dünya bazarında neftin qiyməti Azərbaycan ehtiyatlarının əriməsinə səbəb olacaq qədər ucuzlaşacaqsa, o zaman dövlət məcbur olub manatı digər valyutalar qarşısında ucuzlaşdıracaq. Yox əgər belə hal qeyddə alınmayacaqsa, yanvar ayına qədər neftin qiyməti indiki kimi sabit qalacaqsa və yaxud da bahalaşacaqsa Azərbaycan dövləti manatın kursuna dəyişiklik etməyəcək.

Yəni devalvasiyaya getməyəcək. Növbəti aylarda da pandemiyaya görə iqtisadiyyatın yenidən bağlanması gözlənilmir. Beynəlxalq təşkilatlar bəyanat verir ki, iqtisadiyyatı bağlamadan cəmiyyət pandemiyanın 2-ci, 3-cü dalğası baş versə də insanlar bununla yaşamağa qadirdir. Ona görə də hesab edirəm ki, biz yenidən dondurulmuş iqtisadiyyat dövrünə yenidən qayıtmayacağıq. Ümid edirik ki, neftin qiyməti də növbəti aylarda bahalaşmağa doğru gedəcək. Dünyada neftə olan təlabat artacaq. Hesab edirəm ki, buna görə də neftin qiyməti bahalaşacaq".