Tərtərdə ağzından güllələnən Mənsur Behbudovun vəziyyətinə aydınlıq gəlib.

Oxu.Az-ın bölgə müxbiri xəbər verir ki, ağır vəziyyətdə Gəncədəki özəl xəstəxanalardan birinə gətirilən yaralı dərhal Bakıya göndərilib.

Ona üst çənə sümüyünün dağılması diaqnozu qoyulub.

Qeyd edək ki, yaxınlarının verdiyi məlumata görə, Mənsur Behbudov Tətərdə qəssablıqla məşğul olur və iki uşaq atasıdır.

21:25

Tərtərdə güllələnmə hadisə baş verib.

Oxu.Az-ın Qarabağ üzrə bölgə müxbirinin verdiyi məlumata görə, hadisə şəhərin Səməd Vurğun küçəsində qeydə alınıb.

Belə ki,Tərtər şəhər Səməd Vurğun küçəsində yaşayan 32 yaşlı Behbudov Mənsur Oktay oglu ağzından güllələnib.

Onun kim tərəfindən və nə səbəbdən güllələndiyi məlum deyil.

Yaralı Bərdə rayon mərkəzi xəstəxanasına çatdırılıb, vəziyyəti ağır olduğu üçün Gəncə şəhərində özəl klinikalardan birinə aparılıb.

Faktla bağlı araşdırma aparılır.