Artıq ikinci ildir ki, "Coca-Cola" dünyada ən çox plastik tullantı istehsal edən şirkətlərin siyahısının başındadır.

MAY.AZ-ın life.ru-ya istinadən verdiyi xəbərə görə, bu barədə "The İntercept" qəzeti yazır.

"Break Free from Plastic" ekoloji şirkəti bütün dünya küçə və çimərliklərində kütləvi təmizlik aparıb.

Aksiyada dörd qitədəki 37 ölkədən 72 min könüllü iştirak edib. Onlar ümumilikdə 475 min müxtəlif növ plastik tullantı toplayıblar. Onların yarısının mənşəyi naməlumdur. Lakin məlum olanlar arasında ən çox "Coca-Cola" butulkalarıdır - 11 732 ədəd.

Planeti ən çox çirkləndirən şirkətlər arasında ilk beşliyə "Nestle","PepsiCo", "Mondelez Internationa" və "Unilever" şirkətləri də daxildir.

Ümumilikdə atılan qabların üzərində 8000 fərqli brendin adı olub.

Qeyd olunur ki, dünyanın müxtəlif yerlərində "anti-reytinq" fərqlidir. Məsələn "Coca-Cola" Avropa və Afrikada birincidir, Asiya və Cənubi Amerikada ikinci, Şimali Amerika qitəsində isə beşinci yerdədir. Burada "Nestle", "Solo Cup Company" və "Starbucks" liderlik edir.

Əlavə etmək lazımdır ki, "Coca-Cola" şirkəti bu vəziyyətdən narahat olduğunu bildirib. Bununla bağlı hətta istifadə olunmuş butulkalar üçün bu yaxınlarda Vyetnamda təkrar emal zavodu işə salınıb.

Natəvan Baxşiyeva