Yuxuda zeytun görmək çox vaxt həyatınızda müsbət dəyişikliklərə və bolluğa işarədir. Zeytun ənənəvi olaraq bolluq, məhsuldarlıq, sağlamlıq, sülh və firavanlıqla əlaqələndirilir. Həm də dostluq, sülh və uzun ömür rəmzi hesab olunur.

Yuxularda bir çox şey görürük. Bunlardan biri də zeytundur.

Bəs, yuxuda zeytun görmək hansı mənaya gəlir?

Lent.az yuxuda zeytun görməyin hansı mənaya gəldiyi ilə bağlı qısa xülasəni təqdim edir:

Yuxuda zeytun görmək nədir?

Yuxuda zeytun görmək əsasən bərəkət və bolluqla yanaşı ruzi anlamına gəlir. Həmçinin elm, mal-mülk və daxili rahatlığa işarə edir. Əgər kasıb bir insan varlanmaq və mal-mülk sahibi olmağı arzulayırsa, bu yuxu onun arzularının gerçəyə çevriləcəyinə işarə sayılır. Təhsil alan və yüksək zirvələrə çatmağı arzulayan insanlar üçün də bu yuxu məqsədlərinə çatacaqlarına dəlalət edir. Evli cütlüklər üçün isə uşaq sahibi olmaq istəyənlərin bu arzusunun gerçəkləşəcəyi şəklində yozulur. Zeytun görmək həm də halal qazanc və maddi rifah deməkdir. Yuxunu görən şəxsin ailəsi ilə birlikdə xoşbəxt bir həyat yaşayacağına, işində uğur qazanaraq yaxşı gəlir əldə edəcəyinə işarə edir.

Yuxuda qara zeytun görmək nədir?

Qara zeytun görmək rahatlıq və daxili dinclik deməkdir. Həm də yuxunu görənin qarşısına gözəl qismətlərin çıxacağına işarə edir. Bir müddət yaşadığı çətinliklərdən sonra onu firavan və xoşbəxt bir həyatın gözlədiyi bildirilir.

Yuxuda yaşıl zeytun görmək nədir?

Yaşıl zeytun torpaq, daşınmaz əmlak və müxtəlif mal-mülklərə işarədir. Həm də halal yolla qazanc əldə etməyə və maddi rifahın artmasına dəlalət edir.

Yuxuda sarı zeytun görmək nədir?

Sarı zeytun kədər və xəstəliyə işarədir. Yuxunu görən şəxsi üzücü hadisələrin gözlədiyi, onun və ya yaxın bir insanın xəstəliklə üzləşəcəyi haqqında xəbər verir.

Yuxuda zeytun yediyini görmək nədir?

Zeytun yemək — zeytunun rənginə və növünə görə fərqli yozula bilər. Sarı və qara zeytun yemək maddi itkiyə işarədir. Qara zeytun yemək, həm də bir şəxsin ölümü ilə əlaqələndirilə bilər. Əgər zeytunun dadı acıdırsa, bu mənfi halların əksi olaraq xeyirə yozulur. Bəzi yuxu təbirlərinə görə isə zeytun yemək ümumilikdə bolluq, bərəkət, mal-mülk və yaxşı qazanca işarə edir. Həmçinin xoşbəxt evlilik və gözəl bir həyatla əlaqələndirilir.

Yuxuda çürük zeytun görmək nədir?

Bu, yuxu sahibinin həyatında bəzi çətinliklərlə üzləşəcəyinə işarədir. Müəyyən müddət ailə daxilində anlaşılmazlıqlar ola bilər, bu zaman səbirli olmaq tövsiyə olunur. Başqa təbirlərə görə isə mal və mülk itkisi yaşanacağına işarə edir.

Yuxuda zeytun ağacı görmək nədir?

Zeytun ağacı qismət deməkdir. Yuxuda ağacda nə qədər çox zeytun varsa, o qədər də yuxu sahibinin qismətinin açılacağına işarə edir. Bu qismət həm evlilik, həm də iş sahəsində ola bilər.

Yuxuda zeytun ağacından zeytun yığmaq nədir?

Yuxu sahibinin gözləmədiyi bir anda böyük uğurlar əldə edəcəyinə işarədir. Həmçinin rifah və zənginlik içində bir həyat sürəcəyinə, maddi və mənəvi baxımdan yaxınlarına kömək edəcəyinə dəlalət edir.

Yuxuda zeytun sındırmaq nədir?

Bu yuxu, yuxu sahibinin yaxın zamanda məşğul bir dövrə girəcəyini göstərir. Vaxt keçdikcə bəzi vəziyyətlərdən fayda götürəcəyi və bu faydanın onun xeyrinə olacağına işarədir. Yuxuda zeytun görmək, vəziyyətə görə müxtəlif şəkildə yozula bilər. Bəzən bərəkət və ruzi, bəzən şəfa və yaxşılığa, bəzən isə kədər və xəstəliyə işarədir. Sarı və dənəli zeytun dini anlamda kədər və xəstəliyə yozulur. Yuxuda zeytun görmək, ümumiyyətlə müsbət mənalar daşısa da, zeytunun rəngi, vəziyyəti və necə görüldüyünə görə fərqli yozumlara sahibdir. Yuxunun detalları bu mənaları daha da aydınlaşdırır.