Hollandiyanın Hertoqenbos şəhərində hava şarlarını görən və qorxudan ölən tutuquşuların sahibinə məhkəmə təzminat ödəməyə qərar verib.
Lent.az xarici mətbuata istinadən xəbər verir ki, quşlar 2017-ci ilin martında qəfəslərindən cəmi 50 metr aralıda bir şarın göydə uçması nəticəsində ölüb.
Şardan gələn səs onlarda həddindən artıq stress yaratdığı üçün quşların ürəkləri partlayıb. Tutuquşuların sahibi 1250 avro dəyərində sarı boyunlu Amazon və 40 min avro dəyərində bir cüt sünbül tutuquşuya görə 113 min avro məbləğində təzminat tələb edib.