Dünyanın ən nadir çəhrayı brilyant "Williamson Pink Star" Honq-Konqda keçirilən hərracda 57,7 milyon dollara satılıb.
BiG.AZ xarici mətbuata istinadən xəbər verir ki, beləliklə, 11,15 karat ağırlığında olan brilyant bir karatın dəyərinə görə dünyanın ən bahalı daşı olub.
Daş-qaş Tanzaniyadakı "Williamson" mədənindən 32 karatlıq almazdan kəsilib və yastıqvari şəklindədir.
Qeyd edək ki, eyni mədəndən çıxarılan və oxşar olan digər məşhur daş-qaş "Williamson Pink Diamond" bu yaxınlarda vəfat etmiş Böyük Britaniya Kraliçası II Elizabetə məxsus idi. Mədənin sahibi, kanadalı geoloq Con Uilyamson 54,5 karatlıq daşı şahzadə Elizabet və şahzadə Filipə 1947-ci ilin noyabrında toyları üçün hədiyyə edib.
Nuranə